Skipulags- og framkvæmdaráð
Dagskrá
1.Breyting á deiliskipulagi Útgarðs
Málsnúmer 201808025Vakta málsnúmer
Nú er lokið kynningu á tillögu að breytingu deiliskipulags lóðarinnar að Útgarði 4. Athugasemdir bárust frá Félagi eldri borgara á Húsavik sem studdar eru undirritunum 80 félaga.
Athugasemdir eru settar fram í þremur tölusettum liðum:
1. Félagið telur algerlega óviðunandi að lækka aldursviðmið íbúa í 55 ár, og vilja að áfram verði viðmiðið "eldri borgarar" eins og gildandi deiliskipulag gengur út frá. Umræða í þjóðfélaginu nú liggur frekar í að hækka viðmiðunaraldur eldriborgara en lækka.
2. Félagið telur verulega annmarka á að heimila háhýsi svo nærri Pálsgarði og að húsið muni þrengja of mikið að SA-horni lóðarinnar. Það muni valda óhagræði í gönguleiðum og þrengja með óásættanlegum hætti sjónarhorn umferðar á fjölförnum gatnamótum. Ennfremur muni staðsetning húss gera snjómokstur og geymslu á snjó mun erfiðari en ef byggingarreit er haldið óbreyttum frá gildandi deiliskipulagi.
3. Félagið telur varhugavert að selja bílakjallara undan núverandi fjölbýlishúsi við Útgarð til einkaaðila.
Athugasemdir eru settar fram í þremur tölusettum liðum:
1. Félagið telur algerlega óviðunandi að lækka aldursviðmið íbúa í 55 ár, og vilja að áfram verði viðmiðið "eldri borgarar" eins og gildandi deiliskipulag gengur út frá. Umræða í þjóðfélaginu nú liggur frekar í að hækka viðmiðunaraldur eldriborgara en lækka.
2. Félagið telur verulega annmarka á að heimila háhýsi svo nærri Pálsgarði og að húsið muni þrengja of mikið að SA-horni lóðarinnar. Það muni valda óhagræði í gönguleiðum og þrengja með óásættanlegum hætti sjónarhorn umferðar á fjölförnum gatnamótum. Ennfremur muni staðsetning húss gera snjómokstur og geymslu á snjó mun erfiðari en ef byggingarreit er haldið óbreyttum frá gildandi deiliskipulagi.
3. Félagið telur varhugavert að selja bílakjallara undan núverandi fjölbýlishúsi við Útgarð til einkaaðila.
Skipulags- og framkvæmdaráð þakkar fram komnar athugasemdir.
1. Skipulags- og framkvæmdaráð telur að ekki hafi komið fram í bréfi Félags eldri borgara rökstuðningur fyrir því af hverju sé óviðunandi að breyta aldursviðmiði í 55 ár. Ráðið leggur því til að breytingin standi eins og hún var kynnt.
2. Skipulags- og framkvæmdaráð tekur ekki undir sjónarmið Félags eldri borgara um að þriggja hæða hús þrjá metra frá götunni Pálsgarði þrengi að gatnamótum Auðbrekku og Pálsgarðs, enda eru þau í meira en 20 m fjarlægð frá húsinu. Ráðið telur einnig að skipulagsbreytingin muni hafa óveruleg áhrif á gönguleiðir og snjómokstur. Ráðið leggur því til að byggingarreit verði breytt til samræmis við þær hugmyndir sem kynntar voru.
3. Skipulags- og framkvæmdaráð telur sölu á bílakjallara óviðkomandi ákvæðum deiliskipulags og tekur því ekki afstöðu til þessa liðar.
Skipulags- og framkvæmdaráð leggur til við sveitarstjórn að deiliskipulagsbreytingin verði samþykkt eins og hún var kynnt.
1. Skipulags- og framkvæmdaráð telur að ekki hafi komið fram í bréfi Félags eldri borgara rökstuðningur fyrir því af hverju sé óviðunandi að breyta aldursviðmiði í 55 ár. Ráðið leggur því til að breytingin standi eins og hún var kynnt.
2. Skipulags- og framkvæmdaráð tekur ekki undir sjónarmið Félags eldri borgara um að þriggja hæða hús þrjá metra frá götunni Pálsgarði þrengi að gatnamótum Auðbrekku og Pálsgarðs, enda eru þau í meira en 20 m fjarlægð frá húsinu. Ráðið telur einnig að skipulagsbreytingin muni hafa óveruleg áhrif á gönguleiðir og snjómokstur. Ráðið leggur því til að byggingarreit verði breytt til samræmis við þær hugmyndir sem kynntar voru.
3. Skipulags- og framkvæmdaráð telur sölu á bílakjallara óviðkomandi ákvæðum deiliskipulags og tekur því ekki afstöðu til þessa liðar.
Skipulags- og framkvæmdaráð leggur til við sveitarstjórn að deiliskipulagsbreytingin verði samþykkt eins og hún var kynnt.
2.Fjárhagsáætlun framkvæmdasviðs 2019
Málsnúmer 201810067Vakta málsnúmer
Fyrir skipulags- og framkvæmdaráði liggur til umræðu fjárhagsáætlun framkvæmdasviðs 2019.
Drög að rekstraráætlun framkvæmdasviðs 2019 var lögð fram til kynningar.
3.Framkvæmdaáætlun framkvæmdasviðs 2019.
Málsnúmer 201809162Vakta málsnúmer
Fyrir skipulags- og framkvæmdaráði liggur til umræðu framkvæmdaráætlun framkvæmdasviðs 2019.
Drög að framkvæmdaáætlun framkvæmdasviðs lögð til kynningar og umræðu.
4.Gjaldskrá hafna Norðurþings 2019
Málsnúmer 201810046Vakta málsnúmer
Fyrir skipulags- og framkvæmdaráði liggur til umræðu og samþykktar gjaldskrá hafna Norðurþings 2019.
Gjaldskrá hafna Norðurþings lögð fram til kynningar og umræðu.
5.Fjárhagsáætlun hafnasjóðs 2019
Málsnúmer 201810047Vakta málsnúmer
Fyrir skipulags- og framkvæmdaráði liggur til umræðu fjárhagsáætlun hafnasjóðs 2019.
Drög að fjárhagsáætlun hafnasjóðs 2019 lögð fram til kynningar og umræðu.
6.Framkvæmdaáætlun hafnasjóðs 2019
Málsnúmer 201810048Vakta málsnúmer
Fyrir skipulags- og framkvæmdaráði liggur til umræðu framkvæmdaráætlun hafnasjóðs 2019.
Drög að framkvæmdaráætlun hafnasjóðs 2019 lögð fram til kynningar og umræðu.
Fundi slitið - kl. 15:30.
Þórir Örn Gunnarsson hafnarstjóri sat fundinn undir liðum 1-2 og 4-6.
Gunnar Hrafn Gunnarsson framkv.- og þjónustufulltrúi sat fundinn undir 1-3.