Skipulags- og framkvæmdaráð

Til upplýsinga fyrir skipulags- og framkvæmdaráð liggja fyrir drög að starfsáætlun atvinnu- og samfélagsfulltrúa Norðurþings á Kópaskeri, sem vísað er til ráðsins frá byggðarráði.

Byggðarráð samþykkir framlagða tillögu að vinnuferli við fjárhagsáætlun 2022 og vísar henni til fjölskylduráðs og skipulags- og framkvæmdaráðs, sem og til kynningar í stjórn Orkuveitu Húsavíkur ohf.

Fyrir hönd eigenda að Laugabrekku 13 óskar Trésmiðjan Rein eftir leyfi til að bæta við tveimur bílastæðum innan lóðar. Einnig er óskað eftir leyfi til að saga úr gangstéttarkanti og endursteypa.

Ósk um að gangstéttir við Aðalbraut og Ásgötu á Raufarhöfn verði lagaðar.

Fyrir ráðinu liggur beiðni um kaup á notuðum bíl fyrir Þjónustumiðstöðina.

Á 96. fundi skipulags- og framkvæmdaráðs var eftirfarandi bókað:
Skipulags- og framkvæmdaráð felur framkvæmda- og þjónustufulltrúa að kostnaðarmeta þær breytingar sem óskað er af skólastjórnendum Öxafjarðarskóla svo taka megi upplýsta ákvörðun um framhald þeirra.

Fyrir liggur ósk frá Fuglastíg á Norðausturlandi um samstarfssamning um bætt aðgengi að fuglaskoðunarskýlinu við Kaldbakstjarnir. Fengist hefur vilyrði fyrir styrk vegna framkvæmdanna.

Óskað er stöðuleyfis fyrir aðstöðugám sem nýtist bæði starfsemi fótboltavallar og tjaldstæðis. Áætlað er að gámurinn standi til loka september 2021. Fyrir liggur rissmynd af afstöðu og ljósmyndir af gámnum. Fyrir liggur jákvæð umsögn frá íþrótta- og tómstundafulltrúa.

Skipulags- og byggingarfulltrúi kynnti umburðarbréf vegna breytinga á jarðalögum sem barst frá Atvinnu- og nýsköpunarráðuneytinu í lok maí. Í bréfinu eru kynntar breytingar á jarðalögum nr. 81/2004 sem öðlast munu gildi 1. júlí n.k. til kynningar. Lagabreytingarnar fela m.a. í sér tilfærslu á verkefnum úr ráðuneyti til sveitarfélaga.

Fyrir skipulags- og framkvæmdaráði liggur trúnaðarmál til afgreiðslu.

Skipulagsráðgjafi hefur lagt fram tillögu að breytingu deiliskipulags miðhafnarsvæðis á Húsavík, uppdrátt og greinargerð. Útbúin hefur verið heildstæð greinargerð fyrir deiliskipulagið og búið er að færa inn á uppdrátt þær breytingar sem óskað hefur verið eftir. Hafnarstjóri kynnti tölvupóst frá Guðmundi Salómonssyni f.h. björgunarsveitarinnar Garðars sem sendur var 24. maí s.l.

Skipulagsráðgjafi hefur lagt fram tillögu að breytingu deiliskipulags Norðurhafnarsvæðis á Húsavík. Breytingin felst nánast eingöngu í því að skipulagsmörkin þrengjast frá því sem er í gildandi deiliskipulagi.

Skipulagsráðgjafar hafa lagt fram frumtillögu að breytingu Aðalskipulags Norðurþings 2010-2030 vegna uppbyggingar vindorkuvers á Hólaheiði.

Vatnajökulsþjóðgarður óskar eftir samþykki fyrir stofnun lóðar undir þurrsalerni við Hólmatungur. Fyrirhuguð lóð er 315,3 m² eins og nánar kemur fram á hnitsettum lóðaruppdrætti. Uppdráttur er unninn af Landmótun.

Vatnajökulsþjóðgarður óskar eftir samþykki fyrir stofnun lóðar undir þurrsalerni við Langavatnshöfða. Fyrirhuguð lóð er 315,3 m² eins og nánar kemur fram á hnitsettum lóðaruppdrætti. Uppdráttur er unninn af Landmótun.

Sýslumaðurinn á Norðurlandi eystra óskar umsagnar um beiðni Svövu Hlínar Arnarsdóttur um rekstrarleyfi til veitingasölu í flokki II í Heiðarbæ í Reykjahverfi.

Margrét I. Ásgeirsdóttir óskar eftir endurnýjun á lóðarleigusamningi vegna húseignar hennar að Sæbliki á Raufarhöfn. Eldri lóðarsamningur er úr gildi fallinn. Fyrir liggur lóðarblað fyrir lóðina frá árinu 2000 sem sýnir lóðina 626,6 m².

Þorbjörg Jónsdóttir, f.h. lóðarhafa, óskar eftir byggingarleyfi fyrir frístundahúsi á lóðinni Oddsstaðir - Afaborg (L205694). Fyrir liggja teikningar unnar af K.J. Ark. Fyrirhuguð bygging er 199,1 m² að flatarmáli og 765 m3 að rúmmáli. Burðarvirki húss er úr CLT timbureiningum, útveggir klæddir dökkgrárri álklæðningu og þak klætt Aluzink.

Óskað er eftir heimild til að nýta tímabundið land útfyrir lóðarmörk norðan Höfða 10.