Skipulags- og framkvæmdaráð

Á fundinn koma forsvarsmenn Qair Iceland ehf. og kynna stöðu verkefnisins Hnotasteinn á Hólaheiði.

Röndin ehf óskar eftir stöðuleyfi fyrir viðbótargám ofan á fyrirliggjandi gámi við hlið húss að Röndinni 5b til geymslu málma. Fyrir liggur jákvæð umsögn eldvarnareftirlits.

Síðastliðin ár hefur Norðurþing boðið upp á afslátt af gatnagerðargjöldum á ákveðnum óúthlutuðum lóðum í sveitarfélaginu.
Skipulags- og framkvæmdaráð þarf að taka ákvörðun um hvort bjóða skuli upp á 50% afslátt af gildandi gjaldskrá gatnagerðargjalda á lóðum innan sveitarfélagsins.

Fyrir skipulags- og framkvæmdaráði liggur ósk frá SSNE að Norðurþing tilnefni tengilið vegna þeirrar vinnu sem framundan er í tengslum við verkefnið.

Sviðsstjóri skipulags- og umhverfissviðs fór yfir og kynnti niðurstöður útboðs í sorphirðu á Húsavík og Reykjahverfi.
Frestur til að skila inn tilboðum var til 3. apríl 2025 og bárust þrjú tilboð, frá Terra, Íslenska gámafélaginu og Kubbi. Lægstbjóðandi var Terra með 5,7% yfir kostnaðaráætlun.

Sviðsstjóri skipulags- og umhverfissviðs leggur til að sveitarfélagið auglýsi lausar byggingarlóðir í Reitnum, svæði Í5.
Lóðirnar verði auglýstar á heimasíðu Norðurþings og á samfélagsmiðlum.
Undirbúningur gatnagerðar og lagnavinnu er langt kominn og stefnt að verklokum 2. áfanga í júní 2025.
Lagt er til að auglýstar verði lóðir nr. 29 og 31 við Ásgarðsveg og lóðir nr. 18 og 20 við Stóragarð, svk. deiliskipulagi fyrir íbúðarsvæði Í5 og breytingum á því frá 1.desember 2022.
Við Stórargarð er heimilt að byggja allt að 5 hæða fjölbýlishús, en við Ásgarðsveg allt að 3. hæða fjölbýlishús.

Sviðsstjóri kynnti drög að verklagsreglum umhverfisátaks Norðurþings 2025 og drög að bréfi á lóðarhafa iðnaðar- og athafnalóða í sveitarfélaginu.

Samgöngu- og sveitarstjórnarráðherra hefur að tillögu valnefndar samþykkt styrk að upphæð 8.000.000 kr úr C.1., sértæk verkefni sóknaráætlanasvæða, vegna verkefnisins „Ráðhúsið á Raufarhöfn, atvinnu- og samfélagssetur“.

Með fundarboði fylgir minnisblað atvinnu- og samfélagsfulltrúa vegna verkefnisins.

Fyrir skipulags- og framkvæmdaráði liggur að taka afstöðu til verkefnisins og mótframlags Norðurþings.

Sviðsstjóri skipulags- og umhverfissviðs leggur til að skipulags- og framkvæmdaráð taki ákvörðun um að rífa íbúðarhúsið í Þórseyri í Kelduhverfi og veita slökkviliði Norðurþings heimild til að nýta það fyrir brunaæfingu.

Frá því athugasemdafrestur rann út vegna vinnslutillögu aðalskipulags hafa borist fáeinar umsagnir til viðbótar, m.a. frá Hafrannsóknarstofnun, Veðurstofu Íslands, Skipulagsstofnun og Hafnarstjórn Norðurþings. Skipulagsfulltrúi kynnti þær athugasemdir sem borist hafa frá síðustu umfjöllun.

Múlaþing kynnir nú vinnslutillögu að heildaendurskoðun aðalskipulags Múlaþings 2025-2045. Vinnslutillagan er kynnt á skipulagsgátt Skipulagsstofnunar. Frestur til að skila athugasemdum og ábendingum er til 5. maí 2025.

Fyrir liggur skýrsla Verkfræðistofunnar Vatnaskila um vatnsverndarsvæði í Norðurþingi, dags. mars 2025. Skýrslan var unnin að beiðni Norðurþings þar sem tilefni þótti til að endurskoða afmörkun helstu vatnsverndarsvæða í sveitarfélaginu. Skýrslan innifelur m.a. tillögur að endurskoðuðum mörkum vatnsverndarsvæða við Húsavík, í Reykjahverfi, Kelduhverfi og Öxarfirði.

Sebastian Florczyk óskar úthlunar lóðarinnar að Lyngbrekku 9 á Húsavík. Ennfremur óskar Sebastian þess að afsláttarkjör gatnagerðargjalds lóðarinnar verði framlengd.