Byggðarráð Norðurþings

Til fundarins koma þrír aðilar og eiga umræðu um þá stöðu sem myndast hefur á atvinnumarkaðnum í Norðurþingi vegna tímabundinnar stöðvunar framleiðslu á kísilmálmi í verksmiðju PCC BakkiSilicon. Forstjóri fyrirtækisins, Rúnar Sigurpálsson kemur á fundinn og fer yfir verkefnið framundan í rekstri fyrirtækisins. Aðalsteinn Árni Baldursson formaður Framsýnar kemur og ræðir aðkomu stéttarfélaganna að stöðunni og að síðustu koma Óli Halldórsson, Lilja Rögnvaldsdóttir og Hilmar Valur Gunnarsson frá Þekkingarneti Þingeyinga til að ræða mögulega aðkomu stofnunarinnar sem snýr að námsframboði eða verkefnum sem hentað gætu einstaklingum tímabundið á meðan bilið er brúað á Bakka.

Til umræðu og yfirferðar er minnisblað sveitarstjóra um samantekt á stöðu atvinnumála og tækifæri til viðspyrnu vegna tímabundinnar framleiðslustöðvunar PCC BakkiSilicon hf.

Fyrir byggðarráði liggja til umræðu fyrstu drög að sviðsmyndum vegna álagningar fasteignagjalda á árinu 2021. Einnig liggur fyrir byggðarráði ný Þjóðhagsspá Hagstofunnar frá 26. júní sl.

Fyrir byggðarráði liggur fundargerð aðalfundar Dvalarheimilis aldraðra á Húsavík árið 2020, ásamt ársreikningi fyrir árið 2019 og áætlun um framlög sveitarfélaga til byggingardeildar á árinu 2020.

Fyrir byggðarráði liggur fundargerð stjórnar Dvalarheimilis aldraðra á Húsavík frá 30. júní sl.

Til umræðu í byggðarráði er samþykkt um kjör fulltrúa í stjórnum, ráðum og nefndum Norðurþings.

Til endurskoðunar eru viðskiptareglur Norðurþings en eldri reglur eru frá árinu 2013.

Fyrir byggðarráði liggja drög að samningi við endurskoðunarfyrirtækið Deloitte um vinnu við gerð ársreikninga Norðurþings fyrir árin 2020-2022.

Á 331. fundi byggðarráðs var bókað;
Byggðarráð felur sveitarstjóra að auglýsa veiðidaga Norðurþings á vefsíðu sveitarfélagsins og bjóða íbúum að senda inn ósk um veiðidaga. Berist fleiri umsóknir en þær stangir sem í boði eru, verður dregið úr innsendum umsóknum á fundi byggðarráðs 2. júli nk. Veiðin er endurgjaldslaus fyrir umsækjendur.

Fjármálastjóri fer yfir stöðu innheimtumála hjá Norðurþingi.

Fyrir byggðarráði liggur að taka ákvörðun um þátttöku í hlutafjáraukningu Rifóss hf.

Fyrir byggðarráði liggur erindi frá SSNE fyrir hönd Kvennaathvarfsins varðandi styrk sveitarfélaga á Norðurlandi eystra til að geta opnað kvennaathvarf á norðurlandi. Erindið var sent til SSNE í kjölfar fundar sem samtökin héldu með sveitarstjórum og ríkislögreglustjóra 5. júní sl. Áætlað framlag sveitarfélaga á Norðurlandi eystra er 2,5 milljónir.

Borist hefur bréf frá Dómsmálaráðuneytinu varðandi greiðslur til sveitarfélaga vegna forsetakosninganna 27. júní 2020. Taka fjárhæðirnar mið af því að búast má við auknum kostnaði sveitarfélaga vegna sóttvarna sem grípa þarf til á kjörstöðum vegna COVID-19 farsóttarinnar.

Borist hefur bréf frá Jöfnunarsjóði sveitarfélaga þar sem kynnt er ný vefgátt þar sem sveitarfélög geta skilað inn upplýsingum til sjóðsins vegna útreikninga á framlögum til sveitarfélaga.

Í samráðsgátt stjórnvalda eru nú til umsagnar drög að breytingu á reglugerð nr. 1212/2015 um bókhald, fjárhagsáætlanir og ársreikninga sveitarfélaga. Um er að ræða breytingu á 20. gr. reglugerðarinnar en greinin fjallar um reikningsskil byggðasamlaga.

Á 68. fundi fjölskylduráðs var bókað;
Berglind Hauksdóttir fulltúi V listans leggur fram eftirfarandi tillögu: Fyrir liggur minnisblað skólastjóra Borgarhólsskóla og sviðsstjóra fjölskyldusviðs þar sem farið er yfir útfærslu á rekstri frístundastarfs í Norðurþingi. Í minnisblaðinu er m.a. dregin fram nauðsyn þess að auka samstarf við frístundar og grunnskólastarfs. Fjölskylduráð hefur átt miklar og þarfar umræður um málefni frístundar á síðustu mánuðum. M.a. hefur verið rætt um nauðsyn þess að auka samstarf og samfellu í málaflokknum við rekstur grunnskólastarfs, en fyrrgreint minnisblað dregur einmitt einnig fram nauðsyn þessa. Nýverið var gerð breyting á lagaumhverfi frístundastarfs þar sem málaflokkurinn færðist inn í grunnskólalög (91/2008). Í 33. grein laganna kemur fram að sveitarfélögum beri að fara með faglegt forræði frístundaheimila, og beri að „ákveða skipulag starfsemi þeirra og rekstrarform með samþættingu skóla- og frístundastarfs og þarfir barna að leiðarljósi.“ Með vísan þessa verður að telja ákjósanlegast að rekstur málaflokks frístundastarfs Norðurþings verði undir einni og sömu stjórn og þannig í beinni samfellu við starfsemi grunnskóla. Með þeim hætti verði þarfir barna og fjölskyldna best tryggðar og lögbundin samþætting skóla- og frístundastarfs uppfyllt með skýrum hætti. Ætla má að fagleg samlegð verði mest með þessum hætti, enda margvísleg tækifæri til samnýtingar aðstöðu, búnaðar, starfskrafta og fagþekkingar. Á þessum grunni verði gerð sú breyting á skipulagi á fjölskyldusviði að málaflokkur frístundar 1.-4. bekkjar færist að öllu leyti undir stjórn grunnskóla Norðurþings og þar með stjórnendur skólanna. Þessi breyting taki gildi frá og með 1. september 2020 að undangenginni tilfærslu rekstrarfjármuna til málaflokksins skv. fjárhagsáætlun 2020 yfir til grunnskólanna og staðfestingu á því eftir því sem þörf er á í sveitarstjórn/byggðaráði.

Tillagan er samþykkt með atkvæðum Berglindar, Benónýs, Heiðbjartar.
Bylgja greiddi atkvæði á móti tillögunni.
Lilja Skarphéðinsdóttir sat hjá.

Hafrún óskar bókað að hennar skoðun er sú að ekki hafa komið fram nægjanlega sterk rök sem styðja það að flytja ætti rekstur frístundastarfs undir stjórnendur Borgarhólsskóla.

Fyrir byggðarráði liggur fundargerð 67. fundar fjölskylduráðs.

Fyrir byggðarráði liggur fundargerð 71. fundar skipulags- og framkvæmdaráðs.

Fyrir byggðarráði liggur fundargerð 68. fundar fjölskylduráðs.

Fyrir byggðarráði liggur fundargerð 72. fundar skipulags- og framkvæmdaráðs.