Byggðarráð Norðurþings

Fyrir byggðarráði liggur yfirlit um álagningu gjalda vegna fjárhagsáætlunar 2024 og þriggja ára áætlunar 2025-2027.

Fyrir byggðarráði liggur fjárhagsáætlun 2024 og þriggja ára áætlun fyrir árin 2025-2027.

Fyrir byggðarráði liggur bókun frá 173. fundi skipulags- og framkvæmdaráðs:
Skipulags- og framkvæmdaráð vísar fyrirliggjandi framkvæmdaáætlun 2024 og þriggja ára áætlun til kynningar í byggðarráði og til staðfestingar í sveitarstjórn.

Fyrir byggðarráði liggja til kynningar eftirfarandi gjaldskrár sveitarfélagsins vegna ársins 2024.

Gjaldskrár fjölskyldusviðs - lagt er til hækkun að jafnaði um 7,5% með eftirfarandi undantekningum:
Gjaldskrá bókasafns, árgjald sem hækkar upp í 3.500 kr.
Gjaldskrá íþróttamannvirkja, 15% hækkun á gjaldskrá skíðasvæðis.
Eldri borgarar fá 40% afslátt af gjaldskrá fullorðinna hjá sundlaugum Norðurþings.

Gjaldskrár skipulags- og framkvæmdasviðs - lagt er til hækkun að jafnaði um 7.5%.

Fyrir byggðarráði liggur bókun frá 17. fundi Hafnasjóðs Norðurþings:

Stjórn Hafnasjóðs Norðurþings samþykkir fjárhagsáætlun Hafnasjóðs fyrir árið 2024 og vísar henni til kynningar í byggðarráði og seinni umræðu í sveitarstjórn.

Stjórn Hafnasjóðs Norðurþings samþykkir framkvæmdaáætlun Hafnasjóðs fyrir árin 2024-2027 og vísar henni til kynningar í byggðarráði og seinni umræðu í sveitarstjórn.

Fyrir byggðarráði liggur til kynningar gjaldskrá hafnasjóðs. Stjórn hafnasjóðs bókað eftirfarandi um málið á 17. fundi hennar:

Stjórn Hafnasjóðs Norðurþings samþykkir fyrirliggjandi gjaldskrá fyrir árið 2024 og vísar henni til staðfestingar hjá sveitastjórn.

Fyrir byggðarráði liggur þjónustustefna Norðurþings til samþykktar.

Fyrir byggðarráði liggja endurskoðaðar samþykktir Norðurþings og drög af viðaukum um fullnaðarheimildir við samþykkt sveitarfélagsins um stjórn og fundarsköp.

Fyrir byggðarráði liggur minnisblað frá sveitarstjóra ásamt drögum að auglýsingu um starf félagsmálastjóra.

Fyrir byggðarráði liggur mál vegna endurnýjunar undanþágu frá skilyrði um lágmarksíbúafjölda vegna barnaverndarþjónustu.

Fyrir byggðarráði liggur erindi frá Björgunarsveitinni Pólstjörnunni á Raufarhöfn, ósk um endurnýjun á rekstrarsamningi en gildandi samningur rennur út um næstu áramót.

Fyrir byggðarráði liggur fundargerð Hverfisráðs Raufarhafnar frá 8. nóvember sl.

Fyrir byggðarráði liggur styrkbeiðni frá Framhaldsskólanum á Laugum vegna Tónkvíslar.

Á 432. fundi byggðarráðs þann 8. júní sl. samþykkti meirihluti byggðarráðs tillögu Hjálmars Boga að hefja samtal við fulltrúa Gb5 ehf. um mögulega nýtingu sveitarfélagsins á húsnæðinu að Garðarsbraut 5 á Húsavík.

Fyrir byggðarráði liggur samantekt sveitarstjóra vegna málsins.

Fyrir byggðarráði liggur rekstraráætlun Menningarmiðstöðvar Þingeyinga árið 2024.

SSNE er að skoða möguleikann á að bjóða sveitarfélögunum á svæðinu að senda kjörna fulltrúa sína í kynnisferð á vegum SSNE til Danmerkur 4. til 7. mars 2024.
Tilgangur ferðarinnar er að kynnast því hvernig sveitarfélög í Danmörku hafa tekist á við ýmis verkefni sem brenna á sveitarfélögum á Norðurlandi eystra s.s. íbúasamráð, samvinnu sveitarfélaga, samgöngumál og græna umbreytingu,

Tilkynna þarf um áhuga sveitarfélagsins og mögulegan fjölda þátttakenda til SSNE fyrir lok nóvember.

Fyrir byggðarráði liggur fundargerð 937. fundar stjórnar Sambands íslenskra sveitarfélaga frá 12. nóvember sl.

Fyrir byggðarráði liggur fundargerð 232. fundar Heilbrigðisnefndar Norðurlands eystra frá 15. nóvember sl.

Fyrir byggðarráði liggur til umsagnar, frá umhverfis- og samgöngunefnd Alþingis, frumvarp til laga um Jöfnunarsjóð sveitarfélaga, 478. mál.

Þess er óskað að undirrituð umsögn berist eigi síðar en 30. nóvember nk

Fyrir byggðarráði liggur til umsagnar frá Efnahags- og viðskiptanefnd Alþingis, frumvarp til laga um skatta og gjöld (gistináttaskattur, áfengisgjald o.fl.), 468. mál.