Hitaveita í Kelduhverfi

Fyrir bæjarráði liggja til kynningar arðsemisútreikningar á hitaveitu í Kelduhverfi

Fyrir stjórn liggur tímasett áætlun um næstu skref varðandi kynningu á lagningu hitaveitu og ljósleiðara í Kelduhverfi.

Fyrir stjórn liggur minnisblað frá lögfræðingi Orkuveitu Húsavíkur um stöðu uppbyggingar hitaveitu í Kelduhverfi

Staðan í máli fyrirhugaðrar hitaveitu í Kelduhverfi er sú að fyrir lok febrúar ætti að liggja fyrir hvort og þá hverjir geri athugasemd við eignarétt Landgræðslunnar á svæðinu sem fyrirhuguð hitaveita er innan. Þá fáum við loksins að vita hverjir það eru sem við þyrftum að tala við varðandi að undirrita viðauka við afnotasamning. E.t.v. kemur út úr þessu að engin gerir athugasemdir við eignarrétt Landgræðslunnar. Ef það gerist ættum við að geta lokið samningnum við Ríkiseignir um afnotasamninginn í beinu framhaldi.

Ef einhver gerir athugasemd við eignaréttinn þá liggur ljóst fyrir að viðaukaleiðin við afnotasamninginn er sú leið sem við förum og þá þarf að fá undirskriftir hagsmunaaðila á viðaukann.

Huga þarf að kynningarstarfi vegna lagningar hitaveitu í Kelduhverfi og eins þarf að fara fram könnun á því hversu margir bæir koma til með að tengjast veitunni ef af verður.

Fyrir liggja drög að bréfi sem til stendur að senda mögulegum notendum hitaveitu í Kelduhverfi.
Þar verður farið fram á skuldbindandi svar við því hvort þeir húseigendur sem staðsettir eru á umræddu veitusvæði muni taka inn veituna, verði farið í stofnframkvæmdir til nýtingar á holu BA-04 við Skjálftavatn.

Skv. 36.gr. Orkulaga frá 29. apríl 1967, er OH heimilt að krefja mögulega notendur veitunnar um þáttöku, en spurning hvort ekki sé rétt að kanna afstöðu manna til málsins áður en málið verður nálgast með þeim hætti.

[36. gr.]1)
Nú vill sveitarfélag - eða samtök þeirra - koma upp hitaveitu samkvæmt 27. gr. 2) og telur fjárhagslega afkomu fyrirtækisins ekki tryggða, nema öll hús innan veitusvæðisins verði hituð frá veitunni, og getur ráðherra þá, að fenginni umsögn Orkustofnunar, ákveðið, að öll hús innan veitusvæðisins skuli hituð frá hitaveitunni, og einnig heimilað eignarnám á utanhússpípulögnum samhitunarkerfa, sem einkaleyfisheimild skv. 27. gr. 2) náði ekki til. Fer um eignarnám það að lögum. Nauðsynlegar breytingar á innanhússlögnum vegna tengingar við hitaveituna skulu kostaðar af húseigendum.

Fyrir stjórn Orkuveitu Húsavíkur liggur að taka afstöðu til þess hvort nálgast skuli mögulega notendur veitunnar með þeim hætti sem lagt er til í bréfinu.

Kynning á stöðu undirbúnings verkefnis sem snýr að lagningu hitaveitu í Kelduhverfi.

Kynning framkvæmdastjóra á málefnum fyrirhugaðrar hitaveitu í Kelduhverfi.

Fyrir liggur afstaða húseigenda á mögulegu veitusvæði holu BA-04 í Kelduhverfi.
Fyrir stjórn OH liggur að taka afstöðu til þess hvort ráðist skuli í framkvæmdir við hitaveitu í Kelduhverfi.