Fjölgun leikskólaplássa á Húsavík.

Fyrir nefndinni liggur erindi Sigríðar Valdísar Sæbjörnsdóttur leikskólastjóra á Grænuvöllum um fjölgun leikskólaplássa á Húsavík vegna væntanlegrar fjölgunar barna á leikskólaaldri næstu árin með tilkomu fyrirtækja á Bakka. Leikskólastjóri sat nýbúafund nýverið og samkvæmt því sem fram kom þar lítur út fyrir að það þurfi að fjölga plássum í síðasta lagi janúar 2018. 120 ný störf fylgja verksmiðju á Bakka. Eins og er er leikskólinn nánast fullnýttur. Í þessu samhengi þarf einnig að ákveða hvað eigi að gera varðandi skúraviðbyggingu sem bætt var við Grænuvelli. Skýrsla leikskólastjóra og fræðslufulltrúa um leiðir til fjölgunar plássa er einnig lögð fram til kynningar.

Samkvæmt upplýsingum frá framkvæmdaaðilum á Bakka má gera ráð fyrir fjölgun barna á leikskólaaldri í síðasta lagi í byrjun árs 2018. Leikskólapláss á Grænuvöllum eru nú nánast fullnýtt. Fræðslunefnd þarf því að skoða þær leiðir sem koma til greina til fjölgunar leikskólaplássa og tryggja að ákvörðun verði tekin sem fyrst um hvaða leið skuli farin.
Fræðslufulltrúi afhendir nefndarfólki útprentað eintak af samantekt um leiðir varðandi vistun barna frá lokum fæðingarorlofs sem jafnframt sýnir hvernig mætti koma til móts við fjölgun barna. Málið var áður á dagskrá nefndarinnar 13. apríl sl.

Fræðslunefnd hefur til umræðu framtíðarhorfur í leikskólamálum á Húsavík.

Á 5. fundi fræðslunefndar var eftirfarandi bókað:

"Í dag er Leikskólinn Grænuvellir nánast fullsetinn. Auk þess að vísa til umfjöllunar fræðslunefndar um málið á fundi hennar þann 13. apríl sl. vísar nefndin til áætlunar Byggðastofnunar frá því í nóvember 2012 um áhrif framkvæmda á Bakka á starfa og íbúafjölda á Húsavík. Í skýrslunni kemur fram að gera má ráð fyrir að börnum á leikskólaaldri fjölgi um 40 í kjölfar framkvæmdanna.
Fræðslunefnd telur að nauðsynlegt sé að bæta við tveimur til þremur leikskóladeildum á Húsavík á næsta ári. Það sé því mikilvægt að vinna við uppbyggingu þeirra hefjist sem fyrst. Fjárhagsáætlanagerð fyrir árið 2017 stendur nú yfir og mikilvægt að gert sé ráð fyrir fjölgun leikskóladeilda innan hennar. Til að mæta þessari þörf leggur nefndin til að skoðaðir verði eftirfarandi kostir: Bygging nýs leikskóla, endurbætur á Túni og uppbygging a.m.k. tveggja leikskóladeilda í því húsi sem áfram gæti nýst sem frístundaheimili yngstu nemenda Borgarhólsskóla og félagsmiðstöð unglinga eða kaup á húsnæði sem rúmar leikskóladeild fyrir allt að 20 börn. Fræðslunefnd vísar málinu til umfjöllunar í sveitarstjórn."

Fræðslunefnd fjallar áfram um fjölgun leikskólaplássa á Húsavík samkvæmt bókun sveitarstjórnar á fundi sínum þann 20. september sl. en bókunin er eftirfarandi:

"Sveitarstjórn felur fræðslunefnd að greina valkosti fyrir fjölgun leikskólaplássa á Húsavík og skila til sveitarstjórnar fyrir fund í nóvember."

Fræðslunefnd fékk það verkefni að kanna leiðir til að fjölga leikskólaplássum á Húsavík. Breytingarnar gætu haft áhrif á húsnæðismál frístundar og félagsmiðstöðvar. Málið er því lagt fram til umsagnar í Æskulýðs- og menningarnefnd.

Fyrir fræðslunefnd liggur skýrsla starfshóps um fjölgun leikskólaplássa á Húsavík.

Fyrir sveitarstjórn liggur eftirfarandi bókun fræðslunefndar: "Fyrir fræðslunefnd liggur skýrsla starfshóps um fjölgun leikskólaplássa á Húsavík.
Fræðslunefnd leggur til við sveitarstjórn að skoðuð verði frekar leið tvö b í skýrslu starfshóps."

Vegna mögulegrar fjölgunar barna á leikskólaaldri m.a. í tengslum við uppbyggingu á Bakka, er verið að huga að auknu rými í leikskólanum. Ein leið (leið 2 í meðf. skjali) er að fjárfesta í húsnæði á Iðavöllum og færa hluta starfseminnar þangað. Búið er að skoða og meta húsnæðið og fyrir framkvæmdanefnd liggur ákvörðun um hvort veita skuli heimild til þess að gera tilboð í húsið.

Í framhaldi af ákvörðun sveitarstjórnar um að kanna frekar fjárfestingu í húsnæði að Iðavöllum til lausnar á húsnæðisvanda leikskólans, gerði framkvæmdanefnd ástandsskoðun á eigninni. Á 11. fundi framkvæmdanefndar er lagt til við byggðarráð að gert verðí tilboð í eignina Iðavelli 8.

Fræðslunefnd hefur áfram til umfjöllunar fjölgun leikskólaplássa á Húsavík.Í framhaldi af ákvörðun sveitarstjórnar um að kanna frekar fjárfestingu í húsnæði að Iðavöllum til lausnar á húsnæðisvanda leikskólans, gerði framkvæmdanefnd ástandsskoðun á eigninni. Á 11. fundi framkvæmdanefndar 8. desember var lagt til við byggðarráð að gert verði tilboð í eignina Iðavelli 8.

Byggðaráð samþykkti á fundi sínum 9. desember að fela sveitarstjóra að gera tilboð í eignina.

Fræðslunefnd hefur áfram til umfjöllunar fjölgun leikskólaplássa á Húsavík. Sveitarfélagið hefur fest kaup á húsnæði við Iðavelli 8 sem leikskólinn Grænuvellir mun nýta sem starfsmannaaðstöðu. Ekki er fyrirliggjandi þörf fyrir nýtingu húsnæðisins eins og er og ákveða þarf hvenær úrræðið skal vera tilbúið og hvort nýta eigi húsnæðið í annað myndist biðtími frá því að húsnæðið er afhent.