Sjóböð ehf

Eiríkur S. Svavarsson lögfræðingur OH hefur gert uppkast að áskriftarsamningi milli Orkuveitu Húsavíkur og Sjóbaða sem tekur á því hvaða framlag orkuveitunnar reiknast sem hlutafé í Sjóböðum.

Snæbjörn Sigurðarson fer yfir stöðu verkefnisins.

Snæbjörn Sigurðarson fer yfir stöðu mála hjá Sjóböðum ehf og áætlanir varðandi uppbyggingu aðstöðunnar á Höfðanum.

Stjórn Orkuveitu Húsavíkur ohf fer fram á að koma manni að í sjórn Sjóbaða ehf og að haldinn verði hluthafafundur hjá félaginu við fyrsta tækifæri til þess að hægt verði að ganga frá því.

Gengið hefur verið frá áskriftarsamningi við Sjóböð ehf, en verðmatsskýrslan er enn í vinnslu hjá endurskoðanda OH (Deloitte). Verið er að ganga frá samningum við dæluframleiðendur varðandi djúpdælur í borholur og eins veitudælur á Höfða. Veituframkvæmdir á Höfða í tengslum við Sjóböðin eru á lokametrunum, en síðasti hluti þeirra framkvæmda verður unninn samhliða gatnagerð á Höfða í vor. Aðkallandi er orðið að ganga frá samningum varðandi vatssölu til Sjóbaða ehf m.t.t. rekstrarkostnaðar og eins þeim upphæðum sem eru umfram hlutafjárupphæð OH í félaginu. Töluverðum upphæðum hefur verið varið til undirbúnings þessa verkefnis af hálfu OH og þarf að taka ákvörðun um hvort OH sé ætlað að bera þann kostnað, eða hvort þær verði teknar inn í uppgjör milli félaganna.

Ákvarða þarf með skýrum hætti hvernig uppsetningu gjaldskrár vegna Sjóbaða ehf verður háttað.
Gjaldskráin þarf að taka tillit til fjárfestinga OH ásamt rekstri á dælum og öðrum búnaði sem tengist verkefninu.

Lagt fram til kynningar.
Drög að verðskrá vegna nýtingar baðvatns úr holum HU-01 og FE-01 hafa verið lögð fyrir stjórn Sjóbaða ehf.

Í töluverðan tíma hefur staðið yfir vinna við formun gjaldskrá vegna nýtingar Sjóbaða ehf á holum HU-01 (á Höfða) og FE-01 (við Eimskip), sem eru í eigu Orkuveitu Húsavíkur.
Reynt hefur verið að takmarka endurgreiðslutíma stofnkostnaðar vegna fjárfestingarinnar við 10-15 ár og afsláttur frá samþykktri gjaldskrá OH verið notaður til þess.

Fyrir stjórn Orkveitu Húsavíkur liggur að taka afstöðu til þeirra leiða sem félagið vill fara við samningsgerð í tengslum við myndun verðskrár vegna nýtingar á áðurnefndum holum í eigu OH, með endurgeiðslu stofnkostnaðar í huga.

Fundargerðir stjórnar Sjóbaða ehf lagðar fram til kynningar.

Áður gerð samningsdrög í tengslum við vatnsgjöld Sjóbaða ehf sem ekki hefur náðst samkomulag um, hafa nú verið uppfærð m.t.t. afstöðu stjórnar Sjóbaða ehf.
Óskað er samþykkis stjórnar Orkuveitu Húsavíkur ohf á fyrirliggjandi samningsdrögum.

Fundargerð stjórnarfundar Sjóbaða ehf tekin fyrir.

Stjórnarfundur var haldinn í Sjóböðum ehf., föstudaginn 11. janúar s.l. Fundargerð þess fundar hefur ekki verið birt hluthöfum, en Jónas Hreiðar Einarsson, stjórnarmaður mun fara yfir fyrirliggjandi málefni Sjóbaða ehf.

Ársreikningur Sjóbaðanna ehf. 2022 lagður fram til kynningar. Orkuveita Húsavíkur er hlutahafi í Sjóböðum og fer með 13,79% eignarhlut.