Deiliskipulag skólasvæðis á Húsavík

Til að skapa grundvöll fyrir uppbyggingu húsnæðis fyrir frístund barna er mikilvægt að deiliskipuleggja skólasvæðið. Á þessu stigi er horft til þess að húsnæði frístundar verði byggt vestan í íþróttahöllina. Horft verði til þess að skipulagssvæði afmarkist af Ásgarðsvegi, Skólagarði, Stóragarði og Miðgarði í samræmi við afmörkun þjónustusvæðis Þ2 í gildandi aðalskipulagi.

Á fundi skipulags- og framkvæmdráðs þann 1. nóvember kemur eftirfarandi fram í inngangi máls:
Til að skapa grundvöll fyrir uppbyggingu húsnæðis fyrir frístund barna er mikilvægt að deiliskipuleggja skólasvæðið. Á þessu stigi er horft til þess að húsnæði frístundar verði byggt vestan í íþróttahöllina. Horft verði til þess að skipulagssvæði afmarkist af Ásgarðsvegi, Skólagarði, Stóragarði og Miðgarði í samræmi við afmörkun þjónustusvæðis Þ2 í gildandi aðalskipulagi.

Eftirfarandi var bókað:
Skipulags- og byggingarfulltrúa er falið að setja vinnu við deiliskipulag skólasvæðis í ferli.

Fjölskylduráð fjallar um aðkomu sína að málinu.

Nú liggur fyrir tillaga skipulagsráðgjafa að skipulagslýsingu fyrir deiliskipulag skólasvæðis á Húsavík. Á fundi sínum þann 8. nóvember s.l. óskaði Fjölskylduráð eftir því að eiga aðkomu að deiliskipulagsvinnunni í kjölfar framlagningar skipulagslýsingar. Fjölskylduráð leggur til að stefnt verði að sameiginlegum fundi ráðanna 29. nóvember n.k.

Á fundinn kom Gaukur Hjartarson skipulags- og byggingarfulltrúi og kynnti skipulagslýsingu fyrir skólasvæði Húsavíkur.

Skipulags- og framkvæmdaráð ásamt fjölskylduráði fjallar um málið. Á fundinn mættu Ómar Ívarsson skipulagsfræðingur og Anna Margrét Sigurðardóttir landslagsarkitekt, bæði frá Landslagi.

Nú er lokið kynningu skipulagslýsingar vegna vinnu við deiliskipulag skólasvæðis á Húsavík. Umsagnir bárust frá Skipulagsstofnun, Minjastofnun, Heilbrigðiseftirliti Norðurlands eystra og Ingunni Egilsdóttir.

Fyrir liggur frumhugmynd að deiliskipulagi skólasvæðis á Húsavík.

Á 148. fundi skipulags- og framkvæmdaráðs var eftirfarandi bókað:

Skipulags- og framkvæmdaráð felur skipulags- og byggingarfulltrúa að gera breytingar á skipulagstillögunni til samræmis við tillögur á fundinum. Lagfærðri skipulagshugmynd er vísað til umfjöllunar í fjölskylduráði.

Á 144. fundi fjölskylduráðs 14.03.23, var eftirfarandi bókað: Fjölskylduráð gerir ekki athugasemd við tillöguna en leggur áherslu á að horft verði til aukins umferðaröryggis barna við að skutla og sækja í skóla og íþróttahöll. Ráðið vísar umsögninni til skipulags- og framkvæmdaráðs.

Fyrir liggur tillaga að deiliskipulagi skólasvæðis á Húsavík, uppdráttur og greinargerð. Skipulagstillaga er unnin af Landslagi. Frumkynning skipulagstillögu fór fram á opnu húsi á sveitarstjórnarskrifstofu 27. mars s.l. og samhliða á heimasíðu sveitarfélagsins. Skipulagsfulltrúi kynnti umsögn frá Þóri Erni Gunnarssyni sem barst í kjölfar kynningarinnar.

Á 152. fundi skipulags- og framkvæmdaráðs var eftirfarandi bókað:

Skipulags- og framkvæmdaráð felur skipulags- og byggingarfulltrúa að láta gera eftirfarandi breytingar á skipulagstillögu:

1. Teikna byggingarreit 3 m suður fyrir Stóragarð 4 undir mögulegar svalir.
2. Teikna 7 m x 5 m byggingarreit fyrir allt að 25 m² garðhýsi á lóðinni að Stóragarði 4 til samræmis við óskir lóðarhafa. Hámarksvegghæð húss yrði 2,5 m og hámarksmænishæð 3,7 m. Garðhýsi verði hannað með hliðsjón af fyrirliggjand húsi á lóðinni m.t.t. þakforms ytri klæðningar og gluggasetningar.
3. Teikna stækkun lóðar að Stóragarði 4 og 6 til samræmis við framlagða rissmynd.
4. Tengja á uppdrætti göngustíg framan við Stóragarð 4 og 6 við göngustíg við íþróttahöll.
5. Aðkoma að bílastæði við íþróttahöll verði við norðaustur horn íþróttahallar.

Skipulags- og framkvæmdaráð leggur til við sveitarstjórn að skipulagstillagan verði kynnt með framangreindum breytingum skv. 1. mgr. 41. gr. skipulagslaga.

Fyrir fjölskylduráði liggur tillaga að deiliskipulag skólasvæðis á Húsavík.

Nú er lokið kynningartíma deiliskipulagstillögu skólasvæðis á Húsavík. Umsagnir og athugasemdir bárust frá fjórum aðilum. 1. Slökkvilið Norðurþings (tölvupóstur dags. 18. apríl). 2. Guðrún Kristinsdóttir og Kristín Helgadóttir (bréf dags. 1. júní). 3. Minjastofnun (bréf dags. 1. júní). og 4. Heilbrigðiseftirlit Norðurlands eystra (bréf dags. 25. apríl).

Á 161. fundi skipulags- og framkvæmdaráðs 20. júní 2023, var eftirfarandi bókað: 1. Slökkvilið Norðurþings gerir ekki athugasemd við skipulagstillöguna sem slíka en veitir ábendingar varðandi hönnun mögulegrar viðbyggingar við íþróttahöllina.
Viðbrögð: Ábendingar gefa ekki tilefni til breytingar á skipulagstillögu.

2. Guðrún Kristinsdóttir og Kristín Helgadóttir:
2.1. Guðrún og Kristín telja að viðbygging við íþróttahöll eigi að tengjast íþróttastarfsemi. Þar vanti m.a. lyftingaraðstöðu. Verði húsnæði fyrir frístund byggt við íþróttahöll eins og deiliskipulag gerir ráð fyrir er búið að þrengja að stækkun hallarinnar fyrir íþróttastarfsemi.
Viðbrögð: Nú hefur verið ákveðið að innrétta aðstöðu fyrir frístund innan Borgarhólsskóla. Ráðið fellst á að fella úr texta greinargerðar ákvæði um að viðbygging við íþróttahöll skuli sérstaklega ætluð undir starfsemi frístundar.
2.2. Guðrún og Kristín telja aðstöðu fyrir frístund eigi að byggja upp innan skólans.
Viðbrögð: Ákveðið hefur verið að innrétta aðstöðu fyrir frístund innan Borgarhólsskóla.


3. Minjastofnun: Minjastofnun gerir ekki athugasemd við skipulagstillöguna.
Viðbrögð: Umsögnin gefur ekki tilefni til breytinga á deiliskipulagstillögunni.

4. Heilbrigðiseftirlit Norðurlands eystra: HNE gerir ekki athugasemdir við skipulagstillöguna.
Viðbrögð: Umsögnin gefur ekki tilefni til breytinga á deiliskipulagstillögunni.

Skipulags- og framkvæmdaráð leggur til við byggðaráð, í sumarleyfisumboði sveitarstjórnar, að deiliskipulagið verði samþykkt með þeim breytingum sem tilgreindar eru hér að ofan. Skipulagsfulltrúa verði falið að ganga frá gildistöku deiliskipulagsins.