Skipulags- og framkvæmdaráð

Vegagerðin óskar eftir leyfi til að vinna efni til lagfæringar á vegi um Hólssand í núverandi námu við Hólssel. Efnistökusvæðið er opið og hefur verið notað um árabil, en er ekki skilgreint í gildandi aðalskipulagi. Í vinnslu er breyting á aðalskipulagi þar sem fyrirhugað er að skilgreina þessa námu til efnistöku. Ástand vegar um Hólssand er nú þannig að brýnt er að bera ofan í hann til að hann teljist fullnægjandi og því þarf að útbúa sem fyrst viðunandi efni.

Óskað er samþykkis skipulags- og framkvæmdaráðs fyrir flutningi moldarefnis frá Vitaslóð að Hvammi.

Fyrir liggur ósk frá Trésmiðjunni Rein ehf um efnistöku á fjörugrjóti úr suðurfjöru til frágangs og fegrunar í kringum sjóböðin á Húsavíkurhöfða.

Fyrir liggur krafa íbúa við Lyngholt um gerð gangstéttar í fullri breidd sunnan götunnar, til viðbótar við þá sem gerð var norðan götunnar fyrr í sumar.

Fyrir skipulags- og framkvæmdaráði liggur ósk frá íbúum við Litla-Hvamm um að gerðar verði lagfæringar varðandi yfirborðsfrágang við íbúðirnar þannig að yfirborðsvatn safnist ekki fyrir í lágpunktum í malbiki gatna.

Lagt fram til kynningar.
Vegna áforma um yfirborðsfrágang Reykjaheiðarvegar hefur skipulags- og framkvæmdaráð kallað eftir kynningu á þeim hönnunargögnum sem unnin hafa verið og snúa að verkefninu.

Fyrir skipulags- og framkvæmdaráði liggja tvö aðkskilin mál sem tengjast ljósleiðaravæðingu Norðurþings.

1. Við framkvæmd ljósleiðaratengingar Raufarhafnar frá Svalbarðshreppi í lok árs 2016 voru Höskuldarnes og Ásmundarstaðir ekki tengdir samhliða öðrum eignum á þessu svæði.
Taka þarf afstöðu til þess hvort bjóða eigi þessa framkvæmd út og setja á áætlun í haust, eða hvort bíða eigi með verkið til næsta vors.

2. Við gerð staðarlista sem unnir voru af verkfræðistofunni Eflu og lagðir voru til grundvallar í útboði verkefnisins "Ísland Ljóstengt 2018" sem snýr að ljósleiðaravæðingu austursvæðis Norðurþings, hafa einhverjar eignir sem að öllu eðlilegu ættu að teljast styrkhæfar ekki ratað inn á þá lista. Taka þarf afstöðu til þessara eigna varðandi niðurgreiðslur sveitarfélagsins á ljósleiðaratengingum.

Vegna niðurskurðar fjármagns til reksturs þjónustumiðstöðvar á Húsavík á síðasta rekstrarári, var farið í greiningarvinnu á rekstri einingarinnar og reynt að finna tækifæri til hagræðingar.
Gerð var úttekt á mannafla, húsnæði, tækjakosti, bílaflota ásamt taxta útseldrar vinnu m.t.t. þess sem gengur og gerist á almennum markaði og hjá öðrum sveitarfélögum.
Sú greining leiddi m.a. í ljós að taxti útseldrar vinnu þjónustumiðstöðva Norðurþings er langt undir því sem almennt gerist og umtalsvert lægri en hjá öðrum sveitarfélögum.
Fastráðnum starfsmönnum á Húsavík hefur verið fækkað úr 8 í 5 á einu ári og er fjöldi þeirra kominn niður að sársaukamörkum ef sinna á þeim verkefnum sem til er ætlast, en það verður aðeins gert með því að mæta fækkuninni með tækjum sem gera færri höndum kleift að sinna fyrirliggjandi verkefnum.
Samspil þess sem að ofan er talið gerir það að verkum að reksturinn verður þyngri en hann þyrfti að vera og fjármagni er síður varið til þeirra verkefna sem æskilegt væri.
Óskað er eftir samþykki skipulags- og framkvæmdaráðs til 50% hækkunar á taxta útseldrar vinnu þjónustumiðstöðva NÞ og að tímagjald véla og tækja verði tekið til endurskoðunar í samráði við aðrar deildir sveitarfélagsins.

Á síðasta ári var gerð greining á stöðu mála varðandi bruna- og eftirlitskerfa í opinberum byggingum og stofnunum Norðurþings.
Í ljós kom að alls ekki allar byggingar í eigu sveitarfélagins uppfylla skilyrði um slíkan búnað og eftirlit með þeim kerfum sem eru til staðar ekki á einni hendi.
Lagt er til að samið verði við einn þjónustuaðila um uppsetningu nauðsynlegra kerfa eftir því sem við á og um þjónustu við þau. Einnig er lagt til að tekin verði í notkun aðgangsstýrð kerfi (kortakerfi) í stað lyklaaðgengis í opinberum byggingum sveitarfélagsins til þess að auka öryggi, eftirlit og hagræðingu.
Óskað er eftir samþykki nefndarinnar til þess að leggja í nauðsynlega undirbúningsvinnu áður en tekin er ákvörðun um fjárfestingar þessu tengdu.

Reiknað með að kostnaður við þær framkvæmdir sem hafnar eru og útlit er fyrir að kláraðar verði í ár, sé gróflega metinn rétt rúmlega 400 milljónir króna.
Er í því kostnaðarmati m.a. gert ráð fyrir að um 100 milljónir renni til byggingar slökkvistöðvar og að gatnagerð við sjóböð og við Reykjaheiðarveg verði fresta til næsta árs.
Það fjármagn sem áætlað var til framkvæmda á árinu 2018 er rétt tæpar 540 milljónir króna og því ljóst að það nýtist ekki allt til góðra verka, sem rekja má að stórum hluta til tafa á framkvæmdum við byggingu slökkvistöðvar.
Fyrir skipulags- og framkvæmdaráði liggur að taka afstöðu til þess hvort nýta skuli að hluta eða öllu leyti það fjármagn sem ekki mun nýtast á árinu, til malbikunarframkvæmda og nýta þannig malbikunarstöð Colas á meðan hún er uppsett á svæðinu.

Skipulags- og byggingarfulltrúi kynnti tillögu að deiliskipulagsbreytingu á Útgarði 4. Breytingar felast í stækkun byggingarreits vegna fyrirliggjandi hugmynda að uppbyggingu, breytt skilgreining á aldri notanda íbúða og breytt staðsetning sorpgeymsla.

Vegagerðin óskar framkvæmdaleyfis til að byggja upp varnargarð í Bakkahlaupi í Jökulsá á Fjöllum. Vegagerðin mun annast þessa framkvæmd f.h. Landgræðslu ríkisins sem er umráðaaðili landsins. Nú þegar hafa verið byggðir upp nokkrir varnargarðar á svæðinu til að varna því að Jökulsá á Fjöllum brjóti sér leið í Skjálftavatn sem gæti haft víðtæk áhrif á farveg Jökulsár á Fjöllum. Fyrirhugaður garður yrði um 430 m langur og er ætlað að ýta ánni frá Skjálftavatni. Í verkið yrðu notuð um 3.900 m3 af grjóti sem tekið verði úr opnum og samþykktum efnistökusvæðum við Meiðavelli og Eyvindarstaði. Verki er skýrlega lýst í greinargerð erindis og með teikningum. Sérstök aðgæsla verður viðhöfð vegna vatnsverndar á svæðinu. Fyrir liggur leyfi Fiskistofu fyrir framkvæmdinni. Í leyfi Fiskistofu er tekið undir mikilvægi framkvæmdarinnar vegna veiðihagsmuna í Litluá og Skjálftavatni. Svæðið er innan hverfisverndarsvæðis Hv5 í aðalskipulagi Norðurþings 2010-2030. Sérstaklega er tiltekið í greinargerð aðalskipulags að gerð flóðvarnargarða innan Hv5 sé heimil. Áætlað er að efnisvinnsla hefjist í september en framkvæmdin sjálf í nóvember þegar rennsli í ánni er í lágmarki.

Erindið var áður til umfjöllunar á fundi ráðsins 26. júní s.l. og þá óskaði ráðið umsagna frá Skipulagsstofnun og Umhverfisstofnun. Þær umsagnir liggja nú fyrir. Umhverfisstofnun telur að fyrirhuguð bátaskýli muni ekki hafa neikvæð áhrif á verndargildis svæðis nr. 538 á náttúruminjaskrá og gerir því ekki athugasemdir við að uppbygging verði heimiluð.

Óskað er eftir stöðuleyfi fyrir tvo 40 feta gáma við Röndina 7 á Kópaskeri eins og nánar kemur fram á afstöðumynd. Slökkviliðsstjóri Norðurþings hefur skoðað aðstæður og leggst ekki gegn veitingu umbeðins stöðuleyfis.

Garðvík ehf óskar eftir lóðarstækkun að Kringlumýri 2 til samræmis við samþykkt deiliskipulag.

Rannsóknarstöðin Rif óskar eftir leyfi til að setja upp sjálfvirka veðurathugunarstöð í landi Rifs á Melrakkasléttu. Veðurstöðin samanstendur af 10 m háu mastri auk búnaðar sem hengdur verður utan á mastrið. Fyrirhuguð staðsetning er við norðurenda Urriðatjarnar, um 150 m sunnan þjóðvegar um Melrakkasléttu. Fylgjandi umsókn eru teikningar og myndir af búnaði og kort sem sýnir staðsetningu.

Bjarni Þór Björgvinsson óskar eftir því að veittur verði 50% afsláttur af gatnagerðargjaldi vegna lóðarinnar að Hraunholti 32 með sömu skilyrðum og gildir um tilgreindar lóðir í fundargerð skipulags- og framkvæmdaráðs 17. júlí s.l.

Umhverfis- og auðlindaráðuneyti óskar eftir umsögnum um frumvarp um nýja stofnun sem ætlað er að hafa með höndum umsýslu allra þjóðgarða á Íslandi og annarra friðlýstra svæða auk almennrar náttúruverndar. Samhliða er kallað eftir tillögum að nafni á hina nýju stofnun.

Óskað er eftir samþykki fyrir sjálfstæðri íbúð á jarðhæð Höfðabrekku 9 á Húsavík. Fyrir liggur teikning af sjálfstæðri íbúð sem unnin er af Bjarna Reykjalín arkitekt og tæknifræðingi. Slökkviliðsstjóri hefur yfirfarið teikninguna og gerir ekki athugasemd við að samþykkt verði sjálfstæð íbúð á grundvelli fyrirliggjandi teikningar.

Óskað er eftir leyfi til að byggja 36 m² viðbyggingu við bílgeymslu að Boðagerði 6 á Kópaskeri. Teikning er unnin af Marínó Eggertssyni. Fyrir liggur skriflegt samþykki nágranna að Boðagerði 6. Slökkviliðsstjóri telur ekki tilefni til að leggjast gegn viðbygginunni.