Byggðarráð Norðurþings

Fyrir byggðarráði liggur erindi frá forsvarsfólki Kaðlín handsverkshúsi varðandi nýtingu á Vigtarskúrnum á hafnarsvæði Húsavíkur.

Fyrir byggðarráði liggur til kynningar skýrsla "Þingeyjarsýslur í tölum" þar sem dregnar eru saman nokkrar lykiltölur fyrir starfssvæðið.

Á 404. fundi byggðarráðs þann 25.08.2022 var bókað; Ráðið felur sveitarstjóra að fylgja eftir vinnu við samning við Stefnu ehf. um að taka að sér vinnu við uppfærslu á vefsíðu Norðurþings og leggja fyrir ráðið að nýju.

Fyrir liggur samningur á milli Norðurþings og Stefnu ehf. um uppfærslu á vefsíðu sveitarfélagsins, kostnaður samkvæmt samningnum er 2.709.270 kr.

Fyrir byggðarráði liggja fyrstu drög að fjárhagsrömmum málaflokka vegna fjárhagsáætlunar 2023.

Starfshópur á vegum SSNE vinnur nú að gerð samgöngu- og innviðastefnu fyrir starfssvæði SSNE. Fulltrúi Norðurþings í starfshópnum er Bergur Elías Ágústsson. Óskað er eftir að sveitarfélög á starfssvæðinu skili inn til starfshópsins áherslum um framfaramál, framkvæmdir, umbætur og nauðsynlega þjónustu á sínu svæði. Horft verði til samgangna og innviða í víðu samhengi.

Með fundarboði fylgdi samantekt sveitarstjóra þar sem horft er yfir sveitarfélagið með tilliti til samgangna á landi, vegamála, raforkumála, flugvallamála og hafnarmála.

Fyrir byggðarráði liggur til kynningar bréf vegna Álaborgarleika sem haldnir verða árið 2025, þá verða 50 ár frá því leikarnir voru fyrst haldnir.

Fyrir byggðarráði liggur umsagnarbeiðni vegna tækifærisleyfis.

Umsækjandi: Ingibjörg Hanna Sigurðardóttir, kt. 310783-5529, Miðás 5, 675 Raufarhöfn.
Staðsetning skemmtanahalds: Félaginn Bar, Aðalbraut 27, 675 Raufarhöfn.
Tilefni skemmtanahalds: menningar- og hrútadagar á Raufarhöfn.
Áætlaður gestafjöldi: 200. Áætluð aldursdreifing gesta: frá 18 ára aldri.
Tímasetning viðburðar: 30. september 2022 frá kl. 20:00 til kl. 02:00 aðfararnótt 2. október 2022.

Fyrir byggðarráði liggur til kynningar gjaldskrá Miðjunnar sem samþykkt var á fundi fjölskylduráðs þann 13.9.2022 og gerir ráð fyrir 7,5% hækkun miðað við verðlagsþróun.

Fyrir byggðarráði liggur til kynningar gjaldskrá stuðningsfjölskyldna sem samþykkt var á fundi fjölskylduráðs þann 13.9.2022 þar sem er gert ráð fyrir 5,5% hækkun miðað við spá um launavísitölu.

Fyrir byggðarráði liggur til kynningar gjaldskrá fyrir Borgina sumarfrístund sem samþykkt var á fundi fjölskylduráðs þann 13.9.2022 og gerir ráð fyrir 7,5% hækkun miðað við verðlagsþróun.

Fyrir byggðarráði liggur til kynningar gjaldskrá skammtímadvöl ungmenna sem samþykkt var á fundi fjölskylduráðs þann 13.9.2022 og gerir ráð fyrir 7,5% hækkun miðað við verðlagsþróun.

Fyrir byggðarráði liggur til kynningar gjaldskrá ferðaþjónustu- ferilbíll sem samþykkt var á fundi fjölskylduráðs þann 13.9.2022 og gerir ráð fyrir 7,5% hækkun miðað við verðlagsþróun.

Fyrir byggðarráði liggur til kynningar gjaldskrá fyrir frístund barna sem samþykkt var á fundi fjölskylduráðs þann 13.9.2022 og gerir ráð fyrir 7,5% hækkun miðað við verðlagsþróun.

Fyrir byggðarráði liggur til kynningar gjaldskrá fyrir stoðþjónustu sem samþykkt var á fundi fjölskylduráðs þann 13.9.2022 og gerir ráð fyrir 7,5% hækkun miðað við verðlagsþróun.

Byggðarráð Skagafjarðar bókaði á fundi sínum þann 24.8.2022:

"Byggðarráð Skagafjarðar lýsir yfir miklum áhyggjum af sívaxandi halla á rekstri málaflokks fatlaðs fólks. Ljóst er að sveitarfélögum var falin mikil ábyrgð með tilfærslu málaflokksins frá ríkinu til sveitarfélaga árið 2011 og áskoranir í þjónustunni urðu enn stærri með lagabreytingum árið 2018.
Lögbundið framlag til sveitarfélaganna og fjárframlög Jöfnunarsjóðs standa engan veginn undir rekstri málaflokksins og hefur svo verið um nokkurra ára skeið. Nýleg greining starfshóps ráðherra á kostnaðarþróun í þjónustu við fatlað fólk árin 2018-2020 leiðir í ljós að rekstrarniðurstaða sveitarfélaga landsins vegna málaflokksins var neikvæð um 8,9 milljarða króna og hafði þá þrefaldast á þremur árum frá 2018. Ljóst er að hallinn á árinu 2021 var umtalsvert meiri.
Byggðarráð Skagafjarðar fagnar skipan starfshóps félags- og vinnumarkaðsráðherra um mótun tillagna um kostnaðarskiptingu ríkis og sveitarfélaga vegna þjónustu við fatlað fólk og skorar á ráðherra að hraða vinnu hópsins þannig að hann skili af sér niðurstöðum fyrir Landsþing Sambands íslenskra sveitarfélaga 28. september nk. Fyrirmyndar að skjótum viðbrögðum má sækja í verkfærakistu matvælaráðherra sem skipaði fyrr í sumar svokallaðan spretthóp sem gekk fumlaust og vasklega til verks.
Byggðarráð leggur enn fremur áherslur á að ríkisvaldið tryggi aukið fjármagn til málaflokksins á árinu 2022 til að stöðva langvarandi halla á rekstri hans."

Fyrir byggðarráði liggur að skipa fulltrúa til setu á aðalfundi Víkur hses, fundurinn fer fram þann 22.9.2022 kl 12:00 í stjórnsýsluhúsi Norðurþings.

Fyrir byggðarráði liggur til kynningar fundargerð Víkur hses. frá 9.9.2022.

Fyrir fundinum liggur til kynningar fundargerð 40. fundar stjórnar SSNE sem haldinn var 7. september 2022 í fjarfundi.

Fyrir byggðarráði liggur til kynningar; Forsætisráðuneytið kynnir til samráðs mál nr. 164/2022 - "Drög að upplýsingastefnu stjórnvalda".
Umsagnarfrestur er til og með 09.10.2022.

Fyrir byggðarráði liggur til kynningar efni íbúafundar um græna iðngarða sem haldinn verður þriðjudaginn 27.09.2022 á Fosshótel Húsavík kl. 17:00.

Á fundinum verður kynnt vinna undanfarinna mánuða við samstarfsverkefni Íslandsstofu, Landsvirkjunar, Norðurþings og Umhverfis-, orku- og loftslagsráðuneytisins um tækifæri Íslands og aðgerðir til að efla samkeppnishæfni Íslands á sviði vistvænna iðngarða.

Erindi á fundinum verða frá Norðurþingi, Landsvirkjun og Íslandsstofu.