Framkvæmda- og hafnanefnd Norðurþings

Á 16. fundi framkvæmda- og hafnanefndar þann 14. mars sl. var samþykkt að veita umhverfisverðlaun Norðurþings nú á hausti komanda. Eftir var að ákveða með hvaða hætt valið yrði til verðlauna og var farið yfir ýmsa möguleika. Framkvæmda- og hafnanefnd samþykkir að auglýsa eftir ábendingum frá íbúum sem skilist fyrir 31. ágúst nk.

Stefán Guðmundsson f.h. GG sækir um leyfi fyrir viðbótarflotbryggju til bráðabirgða allt að 15 m. Kostnaður við bryggjuna skal alferið vera GG. F&H nefnd samþykkir erindið og heimilar notkun viðbótarbryggju til 1. okt. 2012.

Hönnunarverksmiðjan sækir um afnot af verbúð, helst þá syðstu, fyrir Tæknismiðju sem er aðstaða fyrir menntastofnanir bæjarins, Borgarhólsskóla, Framhaldsskólann, Þekkingarnet Þingeyinga og þar með alla bæjarbúa til að læra á og nota nútímatækni fyrir framleiðslu og hönnun. Meirihluti framkvæmda- og hafnanefnd samþykkir að verkefnið fái afnot af einni verbúð endurgjaldslaust í eitt ár frá 1. júní nk. að telja.Arnar telur óásættanlegt að húsnæði hafnarsjóð sé ráðstafað án gjaldtöku til einstaklinga eða fyrirtækja.

Guðmundur Þráinn, fyrir hönd Bréfdúfnafélags Íslands, sótti í janúar 2011 um landsvæði fyrir dúfur, hænur og kanínur. Erfiðlega hefur gengið að finna svæði sem hentar. Framkvæmda- og hafnanefnd samþykkir að heimila slíka starfsemi á svæði við gróðurhúsin neðan Ásgarðs. Staðsetning og allar framkvæmdir skulu samþykktar af garðyrkjustjóra sem einnig mun hafa eftirlit með umgengni. Nefndin mun óska eftir greinargerð garðyrkjustjóra eftir eitt ár og þá verður tekin afstaða um framhald.

Eftir er að ákveða gatnagerðargjald á nýja hesthúsasvæðinu en um það gildir engin gjaldskrá. Framkvæmda- og hafnanefnd leggur til við bæjarstjórn að gatnagerðargjald á nýja heshúsavæði verði með eftirfarandi hætti: Árið 2012 og 2013 verði gjöldin 80% af gatnagerðargjaldi samkvæmt samþykktri gjaldskrá um gatnagerðargjöld í Norðurþingi fyrir Húsavík. Framkvæmda- og hafnanefnd leggur til við skipulags- og bygginganefnd að lóðir á nýju hesthúsasvæði verði auglýstar lausar til umsóknar.

Vegagerðin óskar eftir að sveitarfélagið hlutist til um að viðhald girðinga meðfram vegum í sveitarfélaginu verði lokið 30. júní 2012. Í vegalögum segir: Landeigandi skal annast viðhald girðinga með vegum í landi sínu. Sveitarfélag hefur eftirlit með viðhaldi girðinga í sveitarfélaginu og er heimilt að gera endurbætur á girðingu eða fjarlægja á kostnað landeiganda ef viðhaldi er ábótavant eða girðing bersýnilega óþörf. Framkvæmda- og hafnanefnd samþykkir að senda bréf til landeigenda í sveitarfélaginu og hvetja þá til sinna viðhaldi girðinga eins reglur gera ráð fyrir.

Á fundi 15. fundi framkvæmda- og hafnanefndar þann 17. febrúar sl. var þetta mál á dagskrá en það er erindi frá tómstunda- og æskulýðsnefnd sem lagði til við framkvæmda- og hafnanefnd að leikvöllurinn við Túngötu yrði endurnýjaður á árinu 2012. Framkvæmda- og hafnanefnd frestaði afgreiðslu málsins þá. Framkvæmda- og hafnanefnd getur ekki orðið við erindinu.

Í sumar á að ljúka þeim framkvæmdum við efri hluta Fossvalla sem byrjaðar voru á síðasta ári. Framkvæmda- og hafnanefnd felur framkvæmdafulltrúa að koma verkinu af stað.

Etirfarandi tillaga hefur borist og fylgdi henni uppdráttur: Við undirrituð hvetjum framkvæmda- og bygginganefnd til að merkja bílastæði vestan Garðarsbrautar, gengt Bókaverslun Þórarins, með 90 mínútna hámarks tímalengd í stæði. Undir hana skrifa fjórir rekstraraðilar í nágrenni bílastæðisins. Framkvæmda- og hafnanefnd samþykkir tillöguna.

Lagt fram til kynningar.

Helgi spyr hvort mögulegt væri að fá leyfi fyrir að hafa lítinn pylsuvagn á Mærudögum 2012, staðsettan á hafnarsvæðinu eða tjaldsvæðinu eða þá að færa vagninn milli þessara svæða eftir hentugleikum. Framkvæmda- og hafnanefnd gerir ekki athugasemd við slík leyfi en vísar umsækjanda á framkvæmdaaðila Mærudaga 2012.

Brynhildur óskar eftir leyfi, eða a.m.k. viðræðum um mögulega staðsetningu pylsuvagns á Hafnarsvæðinu á Húsavík sumarið 2012, eða frá ca. 15. júní til 1. september. Meirihluti framkvæmda- og hafnanefndar samþykkir að veita stöðuleyfi. Vinnu við nýtt deiliskipulag er ekki lokið en þar er gert ráð fyrir svæðum undir torgsölu. Staðsetning verður ákveðin í samráði við hafnarvörð. Arnar er á móti slíkum stöðuleyfum á hafnarsvæðinu og telur að slík leyfi samrýmist ekki núverandi deiliskipulagi.

Á samgönguáætlun er gert ráð fyrir endurbyggingu á Suðurgarði árin 2012 og 2013. Fyrir fundinum lá gróf kostnaðar og verkáætlun í tölvupósti frá Siglingastofnun. Verkbyrjun ræðst af því hvenær efni í bryggju kemur sem verður sennilega seinnipart sumars eða byrjun hausts. Heildarkostnaður er áætlaður kr. 254 milljónir. Kostnaðarskipting við verkið er þannig að ríkið greiðir 60% en hafnasjóður Norðurþings 40%.Áætlaður hlutur Norðurþings 2012 er kr. 42,5 milljónir og á árinu 2013 kr. 56 milljónir, sem verði gert ráð fyrir við fjárhagsáætlun 2013. Framkvæmda- og hafnanefnd samþykkir að ráðast í framkvæmdina og óskar eftir fjárveitingu vegna ársins 2012.

Borist hefur bréf frá Guðmundi Halldórssyni fyrir hönd félaga í Kiwanisklúbbnum Skjálfanda þar sem þeir gera tilboð í að mála Húsavíkurvita með tilheyrandi múrviðgerðum fyrir ákveðna upphæð. Framkvæmda- og hafnanefnd samþykkir erindið og leggur áherslu á að verkinu verði lokið ekki síðar en 31. júlí nk.

Farið yfir athugasemdir Skipulagsstofnunar við tillögu um breytingar skipulags miðhafnarsvæðis. Í umsögn sinni telur Siglingastofnun að stóraukin starfsemi við ferðaþjónustu á svæðinu samrýmist illa umferð við hafnarvogina og valdi slysahættu. Því telur stofnunin að færa verði hafnarvogina þannig að hún verði aðskilin frá óviðkomandi umferð.
Meirihluti framkvæmda- og hafnanefndar telur að unnt verði að aðskilja umferð ferðamanna og umferð við hafnarvog á núverandi stað, þrátt fyrir útvíkkun blandaðs svæðis fyrir ferðaþjónustu og hafnarstarfsemi eins og lagt er upp með í tillögu að breyttu deiliskipulagi og samhliða breytingu aðalskipulags. Því sé ekki brýn þörf á flutningi hafnarvogar. Við endurskoðun deiliskipulags suðurhafnarsvæðis verði þó skoðaður möguleiki á flutningi hafnarvogar yfir á hreint hafnarsvæði. Hjálmar Bogi tekur undir umsögn Siglingastofnunar Framkvæmda- og hafnanefndar leggur til við bæjarstjórn að deiliskipulagið verði kynnt til samræmis við ákvæði skipulagslaga án breytinga á þessu stigi.

Farið yfir athugasemdir Skipulagsstofnunar við tillögu um breytingar aðalskipulags miðhafnarsvæðis.
Í umsögn sinni telur Siglingastofnun að stóraukin starfsemi við ferðaþjónustu á svæðinu samrýmist illa umferð við hafnarvogina og valdi slysahættu. Því telur stofnunin að færa verði hafnarvogina þannig að hún verði aðskilin frá óviðkomandi umferð.
Meirihluti framkvæmda- og hafnanefndar telur að unnt verði að aðskilja umferð ferðamanna og umferð við hafnarvog á núverandi stað, þrátt fyrir útvíkkun blandaðs svæðis fyrir ferðaþjónustu og hafnarstarfsemi eins og lagt er upp með í tillögu að breyttu deiliskipulagi og samhliða breytingu aðalskipulags. Því sé ekki brýn þörf á flutningi hafnarvogar. Við endurskoðun deiliskipulags suðurhafnarsvæðis verði þó skoðaður möguleiki á flutningi hafnarvogar yfir á hreint hafnarsvæði. Hjálmar Bogi tekur undir umsögn Siglingastofnunar
Framkvæmda- og hafnanefnd leggur til við bæjarstjórn að aðalskipulagið verð kynnt til samræmis við ákvæði skipulagslaga án breytinga á þessu stigi.

Lagt fram til kynningar.

Lagt fram til kynningar.