Kostnaðaráætlun nýs hjúkrunarheimilis á Húsavík

Von er á því að sveitarfélögin sem standa að rekstri Dvalarheimilisins Hvamms þurfi að staðfesta uppfærða kostnaðaráætlun vegna uppbyggingar nýs hjúkrunarheimilis. Til umræðu er hvort byggðarráði verði veitt umboð sveitarstjórnar til að staðfesta slíka áætlun, komi hún inn til sveitarfélagsins fyrir þann tíma sem áætlað er að sveitarstjórn haldi næsta fund sinn í júní.

Fyrir byggðarráði liggur uppfærð kostnaðaráætlun nýs hjúkrunarheimilis, svonefnd KÁ-2, sem er loka uppfærsla kostnaðaráætlunar áður en ráðist verður í útboð á jarðvinnu vegna framkvæmdanna. Fjármálaráðuneytið f.h. ríkisins og sveitarfélögin sem standa að uppbyggingu hjúkrunarheimilsins þurfa að fjalla um áætlunina og staðfesta hana áður en hægt er að hefja útboðsferlið. Sveitarstjóri fer yfir áætlunina og stöðuna á verkefninu.

Byggðarráð ræðir um framtíð, kostnað og stöðu á nýju hjúkrunarheimili á Húsavík.

Fyrir byggðarráði liggur uppfærð og framreiknuð kostnaðaráætlun KÁ-3 vegna nýs hjúkrunarheimilis á Húsavík. Heildarkostaður samkvæmt framlagðri áætlun KÁ-3 er samtals 5.348,3 m.kr og er það því 33% hækkun á heildarkostnaði frá áætlun KÁ-2.

Á 406. fundi byggðarráðs var eftirfarandi bókað:

Byggðarráð felur sveitarstjóra að taka saman minnisblað og leggja fyrir næsta fund sveitarstjórnar þar sem farið er yfir kostnaðarskiptingu verkefnisins á milli ríkisins og þeirra sveitarfélaga sem eru aðilar að framkvæmdinni.

Fyrir byggðarráði liggur til kynningar efni fundar fulltrúa sveitarfélaganna á svæðinu með Framkvæmdasýslu Ríkiseigna og Heilbrigðisráðuneytinu sem funduðu þann 12. október sl. í Reykjavík.
Fyrir liggur að gefnar verði 6 vikur til að Framkvæmdasýsla Ríkiseigna geti unnið með hönnuðum að einföldun á byggingunni og lækkun á kostnaði við verkefnið.
Sveitarfélögin munu senda formlegt erindi til SOF- nefndar vegna kostnaðar við tengigang á milli HSN og hins nýja hjúkrunarheimilis.

Fyrir byggðarráði liggur til kynningar bréf Norðurþings til SOF- nefndar (Samstarfsnefnd um opinberar framkvæmdir) vegna kostnaðar við tengigang, geymslur og sals á milli HSN og hins nýja hjúkrunarheimilis.

Fyrir byggðarráði liggur minnisblað sveitarstjóra dagsett 8. janúar 2023 um stöðu mála vegna byggingar á nýju hjúkrunarheimili á Húsavík. Einnig fundargerð samráðshóps aðildarsveitarfélaganna frá 2. janúar 2023.

Fyrir sveitarstjórn liggur til afgreiðslu viðauki, VK-23005 janúar 2023, við verkkaupasamning VK-20036 frá júní 2020.

Með fundarboði sveitarstjórnar fylgir fundargerð fulltrúa aðildarsveitarfélaganna um byggingu hjúkrunarheimilis frá fundi 2. janúar 2023, minnisblað sveitarstjóra Norðurþings dagsett 8.janúar 2023, verkkaupasamningur um byggingu hjúkrunarheimilis VK-20036 frá júní 2020 og viðaukasamningur VK-23005 janúar 2023.

Fyrir byggðarráði liggja til upplýsinga og kynningar nýjar kostnaðartölur samkvæmt viðaukasamningi nr. VK 23005 vegna byggingar nýs hjukrunarheimilis á Húsavík.

Fyrir byggðarráði liggja uppfærðar kostnaðartölur vegna nýs hjúkrunarheimilis á Húsavík ásamt álitsgerð sem unnin er af KPMG um áhrif þeirrar fjárfestingar á fjárhag Norðurþings skv. 66.gr. sveitarstjórnarlaga.

Á 420. fundi byggðarráðs var eftirfarandi bókað:

Byggðarráð felur sveitarstjóra að undirrita fyrirliggjandi viðaukasamning. Umsjónaraðili er Framkvæmdasýsla-Ríkiseigna, samkvæmt viðaukasamningi er Heilbrigðisráðuneytið verkkaupi 1 og Norðurþing verkkaupi 2.
Byggðarráð vísar viðaukasamningi til staðfestingar í sveitarstjórn.

Fyrir byggðarráði liggja uppfærð gögn vegna stærðar og kostnaðarskiptingu á einstökum verkhlutum vegna byggingarinnar.

Fyrir byggðarráði liggja uppfærðar kostnaðartölur vegna nýs hjúkrunarheimilis á Húsavík ásamt álitsgerð sem unnin er af KPMG um áhrif þeirrar fjárfestingar á fjárhag Norðurþings skv. 66.gr. sveitarstjórnarlaga.

Á 429. fundi byggðarráðs var eftirfarandi bókað:

Byggðarráð felur sveitarstjóra að undirrita viðaukasamning og uppfæra álitsgerð KPMG miðað við uppfærðan kostnað verkefnisins. Umsjónaraðili er Framkvæmdasýslan-Ríkiseignir, samkvæmt viðaukasamningi er Heilbrigðisráðuneytið verkkaupi 1 og Norðurþing verkkaupi 2.

Byggðarráð vísar viðaukasamningi til staðfestingar í sveitarstjórn.

Einnig liggur fyrir sveitarstjórn að samþykkja fyrirliggjandi samkomulag heilbrigðisráðuneytis og sveitarfélaga um kostnaðarskiptingu hjúkrunarheimilisins.

Fyrir byggðarráði liggur niðurstaða Samstarfsnefndar um opinberar framkvæmdir (S.O.F.). Nefndin hefur fjallað um málefni hjúkrunarheimilisins á Húsavík og lagt til að leyfi verði veitt fyrir því að hefja útboð vegna framkvæmdarinnar.

Fyrir byggðarráði liggur til upplýsinga staða á útboði nýs hjúkrunarheimilis á Húsavík og viðræðum við Framkvæmdasýslu ríkiseigna og heilbrigðisráðuneytið í framhaldi af því.

Fyrir byggðarráði liggur samantekt og upplýsingar sveitarstjóra vegna stöðu mála á byggingu nýs hjúkrunarheimilis á Húsavík.

Fyrir byggðarráði liggja drög að viljayfirlýsingu á milli Heilbrigðisráðuneytisins og Norðurþings, Tjörneshrepps og Þingeyjarsveitar um breytt fyrirkomulag vegna byggingar hjúkrunarheimilis á Húsavík.

Samkvæmt 32. gr. laga um heilbrigðisþjónustu, nr. 34/2012 ber sveitarfélögum að leggja fram 15% kostnaðar við byggingu og búnað hjúkrunarheimila auk lóða. Ráðgert er að breyta þessu ákvæði laganna þannig að 15% framlag sveitarfélaganna falli niður.

Því lýsa sveitarfélögin yfir vilja til að hverfa frá byggingu hjúkrunarheimilis á Húsavík þar sem eignarhald ríkis og sveitarfélags er sameiginlegt, þ.e. 85%/15% og fara í stað þess eftir þeirri leið sem fram kemur í skýrslu fjármála- og efnahagsráðuneytis og heilbrigðisráðuneytis, Breytt fyrirkomulag fasteigna vegna hjúkrunarheimila, gefin út í nóvember 2023.

Heilbrigðisráðuneytið og ofangreind sveitarfélög sammælast með viljayfirlýsingu þessari um að nýja leiguleiðin verði farin vegna byggingu hjúkrunarheimilis á Húsavík og að fyrirhugaðar lagabreytingar tefji ekki uppbyggingu hjúkrunarheimilisins. Áfram er gert ráð fyrir að nýja Hjúkrunarheimilið rísi að Skálabrekku 21 á Húsavík.

Fyrir sveitarstjórn liggja drög að viljayfirlýsingu á milli Heilbrigðisráðuneytisins og Norðurþings, Tjörneshrepps og Þingeyjarsveitar um breytt fyrirkomulag vegna byggingar hjúkrunarheimilis á Húsavík.

Samkvæmt 32. gr. laga um heilbrigðisþjónustu, nr. 34/2012 ber sveitarfélögum að leggja fram 15% kostnaðar við byggingu og búnað hjúkrunarheimila auk lóða. Ráðgert er að breyta þessu ákvæði laganna þannig að 15% framlag sveitarfélaganna falli niður.

Því lýsa sveitarfélögin yfir vilja til að hverfa frá byggingu hjúkrunarheimilis á Húsavík þar sem eignarhald ríkis og sveitarfélags er sameiginlegt, þ.e. 85%/15% og fara í stað þess eftir þeirri leið sem fram kemur í skýrslu fjármála- og efnahagsráðuneytis og heilbrigðisráðuneytis, Breytt fyrirkomulag fasteigna vegna hjúkrunarheimila, gefin út í nóvember 2023.

Heilbrigðisráðuneytið og ofangreind sveitarfélög sammælast með viljayfirlýsingu þessari um að nýja leiguleiðin verði farin vegna byggingu hjúkrunarheimilis á Húsavík og að fyrirhugaðar lagabreytingar tefji ekki uppbyggingu hjúkrunarheimilisins. Áfram er gert ráð fyrir að nýja Hjúkrunarheimilið rísi að Skálabrekku 21 á Húsavík.

Á 465. fundi byggðarráð var eftirfarandi bókað um málið:
Byggðarráð samþykkir meðfylgjandi viljayfirlýsingu og vísar henni til afgreiðslu í sveitarstjórn.

Fyrir byggðarráði liggur samkomulag um breytt fyrirkomulag vegna byggingar hjúkrunarheimilis á Húsavík fyrir allt að 60 rými. Með undirritun þessa samkomulags falla úr gildi samkomulag dags. 22. febrúar 2019, ásamt viðbót undirritað 1. júní 2023.

Á 468. fundi byggðarráðs var eftirfarandi bókað:

Byggðarráð samþykkir samkomulagið og vísar því til afgreiðslu í sveitarstjórn.