Gjaldskrár Norðurþings 2025

Fyrir byggðarráði liggur að vísa gjaldskrám vegna ársins 2025 til fyrri umræðu í sveitarstjórn.

Fyrir sveitarstjórn liggur til kynningar vinna við gjaldskrár sveitarfélagsins fyrir árið 2025. Gjaldskrárnar munu liggja til staðfestingar við síðari umræðu um fjárhagsáætlun.

Fyrir fjölskylduráði liggja til staðfestingar gjaldskrár velferðarsviðs fyrir árið 2025

Fyrir byggðarráði liggja til kynningar eftirfarandi gjaldskrár sveitarfélagsins vegna ársins 2025.

Fyrir sveitarstjórn liggur að staðfesta eftirfarandi gjaldskrár sveitarfélagsins vegna ársins 2025.

Gjaldskrár velferðarsviðs:

Gjaldskrá leikskóla - Lagt er til að gjaldskrá verði óbreytt frá árinu 2024 en ný gjaldskrá verði kynnt á árinu 2025 og muni taka gildi frá 1. ágúst.
Gjaldskrá frístundar - Lögð er til 2,5% hækkun.
Gjaldskrá Tónlistarskóla Húsavíkur - Lögð er til 2,5% hækkun.
Gjaldskrá skólamötuneyta í Norðurþingi - Lögð er til 2,5% hækkun. Áfram verði gjaldfrjálsar skólamáltíðir í grunnskólum sveitarfélagsins.
Gjaldskrá bókasafna - Lögð er til 5% hækkun.
Gjaldskrár íþrótta- og tómstundasviðs - Lögð er til 2,5% hækkun á þeim þáttum sem snúa að barnafjölskyldum og fólki í viðkvæmri stöðu. Aðrir liðir taka 5% hækkun.
Gjaldskrár félagsþjónustu - Lögð er til 2,5% hækkun fyrir utan gjaldskrá Þjónustan heim sem hækkar um 5,6% til samræmis við lög um málefni aldraðra nr. 125/1999, lög um félagsþjónustu sveitarfélaga nr. 40/1999 og þá kjarasamninga sem við eiga.

Gjaldskrár skipulags- og umhverfissviðs:

Gjaldskrá þjónustumiðstöðva Norðurþings, lögð er til 5% hækkun.
Gjaldskrá gámaleigu og landleigu, lögð er til 5% hækkun.
Gjaldskrá hunda og kattahalds, lögð er til 5% hækkun.
Gjaldskrá fyrir meðhöndlun og förgun úrgangs í Norðurþingi, lögð er til 10% hækkun þar sem gjöldin þurfa að standa sem næst raunkostnaði, sbr. 2. mgr. 23. gr. laga nr. 55/2003.
Gjaldskrá slökkviliðs - lagt er til 5% hækkun.
Gjaldskrá kartöflugarða 2025 verði:
50 fm garður: 2500 kr.
100 fm garður: 5000 kr.
Gjaldskrá netaveiðileyfa í sjó 2025 verði:
13.000 kr. pr. leyfi

Endurskoðuð gjaldskrá leikskóla er lögð fram til samþykktar til samræmis við niðurstöðu fjölskylduráðs frá 19.11. í málinu Betri leikskóli - 202410009 þar sem eftirfarandi var bókað:

"Lagt er til að gjaldskrá leikskóla verði óbreytt frá 1. janúar 2025 en breytingar á skóladagatali og gjaldskrá til samræmis taki gildi 1. ágúst 2025. Innleiddir verði u.þ.b. 20 sérskráningardagar. Sérskráningardagar eru dagar eins og virkir dagar á milli jóla og nýárs, virkir dagar í dymbilviku fyrir páska, starfsdagar grunnskóla sem eru ekki starfsdagar leikskóla og mögulega svokallaðir klemmudagar sem eru t.d. föstudagar á eftir sumardeginum fyrsta og uppstigningardegi sem eru á fimmtudögum. Við gerð skóladagatals verði sérskráningardagar hvers skólaárs valdir og foreldrum boðið að skrá börn sín sérstaklega í vistun þessa daga gegn sérstöku sérskráningargjaldi. Frá og með 1. ágúst verði í boði allt að sex tíma vistun á tímabilinu 8:00-14:00 með u.þ.b. 50% lækkun frá núgildandi gjaldskrá."

Jafnframt munu vistunargjöld fyrir 7-8 tíma vistun lækka miðað við fækkun um 20 skráningardaga á ári eða 9%. Öll gjaldskráin tekur eftir það 2,5% hækkun, til samræmis við stuðning ríkisstjórnarinnar og Sambands íslenskra sveitarfélaga vegna kjarasamninga í mars 2024, frá og með 1. ágúst 2025.

Á 214. fundi fjölskylduráðs var eftirfarandi bókað:
Fjölskylduráð samþykkir gjaldskrá leikskóla og vísar til staðfestingar í sveitarstjórn.