Skipulags- og framkvæmdaráð

Skipulags- og framkvæmdaráð samþykkir að drögin verði undirstaða samnings við leigutaka en að áburðaráætlun verði hluti af samningi líkt og öðrum samningum sem sveitarfélagið gerir varðandi landleigu.

Skipulags- og framkvæmdaráð tekur jákvætt í erindið en telur hinsvegar mikilvægt að breyta aðalskipulagi og útbúa deiliskipulag af svæðinu áður en byggingarlóð er úthlutað. Ráðið leggur til við sveitarstjórn að umsækjanda verði boðið að gera tillögu að deiliskipulagi svæðisins og breytingu aðalskipulags til að leggja fyrir skipulagsráð.

Skipulags- og framkvæmdaráð samþykkir fyrirhugaða ræktun skjóllunda og skjólbelta. Framkvæmda- og þjónustufulltrúa er falið að gera tillögu að samningi um landafnot sem verði án gjaldtöku af hálfu sveitarfélagsins enda eignist það trjáræktina í lok samningstíma.

Skipulags- og framkvæmdaráð tekur jákvætt í fyrirhugaða uppbyggingu og leggur til við sveitarstjórn að umsækjanda verði heimilað að láta vinna tillögu að deiliskipulagi og breytingu aðalskipulags fyrir svæðið.

Skipulags- og framkvæmdaráð telur að skuggavarpsmyndir sýni að óverulegu breyti með skuggavarp á lóðina að Útgarði 1 hvort bygging á Útgarði 2 sé tveggja eða þriggja hæða. Jafnframt telur ráðið að það sé í anda þéttingar byggðar að heimila þriggja hæða byggingu á lóðinni svo fremi að lóðarhafi geti sýnt fram á fullnægjandi fjölda bílastæða fyrir hverja íbúð innan lóðarinnar. Ráðið leggur einnig upp með að heimild verði til uppbyggingar bílakjallara á lóðinni sem standa megi allt að 1,0 m hærra en núverandi slitlag Útgarðs á lóðarmörkum.

Skipulags- og framkvæmdaráð felur skipulags- og byggingarfulltrúa að kynna fyrirliggjandi skipulagshugmyndir til samræmis við ákvæði 3. mgr. 40. gr. skipulagslaga nr. 123/2010.

Skipulags- og framkvæmdaráð leggur til við sveitarstjórn að fallist verði á úthlutun lóðar undir spennistöðina og lóðin Haukamýri (L150816) verði skert að sama skapi.

Skipulags- og framkvæmdaráð telur að það geti fallið að ákvæðum aðalskipulags að innrétta íbúðir í húsinu líkt og fram kemur í hugmyndum Agnesar. Gildandi deiliskipulag heimilar þó ekki byggingu ofan á þaki hússins líkt og fram kemur í hugmyndunum. Ráðið er reiðubúið að gera tillögu að breytingu deiliskipulags sem leyfi uppbyggingu minniháttar byggingar á þaki hússins til að gera breytingarnar mögulegar.

Skipulags- og framkvæmdaráð tekur jákvætt í hugmyndir að stofnun lóðar undir gistihús úr landi Tóveggjar. Ráðið telur hinsvegar nauðsynlegt að gera breytingu á aðalskipulagi og deiliskipulag til að skapa skipulagslegar forsendur fyrir uppbyggingunni. Ráðið leggur til við sveitarstjórn að umsækjendum verði heimilað að gera tillögur að deiliskipulagi og breytingu aðalskipulags til afgreiðslu hjá sveitarfélaginu.

Skipulags- og framkvæmdaráð felst fyrir sitt leiti á að umrætt rými verði innréttað sem íbúðir til samræmis við framlögð gögn, enda leggi umsækjandi fram skriflegt samþykki annara eigenda í húsinu fyrir breyttri notkun rýmisins. Samþykki er háð framlagningu fullnægjandi hönnunargagna sem og jákvæðri umsögn frá eldvarnareftirliti sveitarfélagsins.

Skipulags- og framkvæmdaráð felur skipulags- og byggingarfulltrúa að veita jákvæða umsögn Norðurþings.

Aðgerðir á næsta ári munu nema um tæpar 24 milljónir og svo vinna starfsmanna. Undirrituð telur mikilvægt að halda áfram ferlinu til að stefna verði til sem unnið er eftir. Undirrituð leggur til að Skipulags- og framkvæmdaráð beini drögunum til byggðaráðs til umfjöllunar og til fjölskylduráðs til kynningar. Einnig að ráðið vísi drögunum til hagaðila sem nefndir eru í þeim til umsagnar og að drögin verða tekin aftur fyrir á nýju ári.
Silja Jóhannesdóttir.

Tillagan er samþykkt.

Skipulags- og framkvæmdaráð óskar eftir nánari útskýringum á nýtingu á tönkunum og hvernig umgengni verður háttað. Ráðið telur margt óljóst með hvort að ástand tankana beri slíka starfsemi og því verður að koma á hreint áður en þeir verði nýttir í þetta verkefni. Ráðið felur framkvæmda- og þjónustufulltrúa að skoða aðra möguleika í samráði við forsvarsmenn verkefnisins.

Ráðið beinir erindinu til hverfisráðs Raufarhafnar til umsagnar.

Lagt fram til kynningar.

Tillagan er samþykkt með atkvæðum Guðmundar, Kristins og Silju.
Bergur óskar bókað.
Tel rétt að bíða eftir umsögn hverfisráðs Reykjahverfis.
Hafrún situr hjá.

Gjaldskrá sorphirðu er samþykkt með atkvæðum Guðmundar, Kristins og Silju.

Bergur situr hjá.
Hafrún greiðir atkvæði á móti gjaldskránni.

Skipulags- og framkvæmdaráð veitir heimild fyrir útgáfu afsals og felur framkvæmda- og þjónustufulltrúa að ganga frá afsalinu.

Skipulags- og framkvæmdaráð samþykkir að leigusamningum verði sagt upp til samræmis við upplýsingar í inngangi.

Lagt fram til kynningar.

Skipulags- og framkvæmdaráð þakkar fyrir erindið en bendir á að þessi vegur er á framfæri Vegagerðarinnar og ráðið mun beita sér fyrir umbótum í samvinnu við veghaldara.

Skipulags- og framkvæmdaráð þakkar fyrir erindið en að svo stöddu er ekki hægt að gera gangbraut þar sem ekki er gangstétt vestan við veg.

Lagt fram til kynningar og verður tekið fyrir síðar.

Lagt fram til kynningar.

Lagt fram til kynningar. Skipulags- og framkvæmdaráð samþykkir að kaupa Kubota. Annars verður hvert mál verður tekið fyrir sérstaklega á árinu 2021 út frá kostnaði verkefnis.