Skipulags- og framkvæmdaráð

Á fundi skipulags- og framkvæmdaráðs 12. janúar s.l. var fjallað um athugasemdir sem bárust við kynningu skipulagslýsingar vegna breytingar aðalskipulags Norðurþings 2010-2030 vegna mögulegrar uppbyggingar vindorkuvers á Hólaheiði. Athugasemdirnar voru ekki nánar tíundaðar í fundargerðinni en skipulagsráðgjafa var falið að vinna úr þeim við áframhaldandi vinnslu skipulagstillögu. Nú hafa skipulagsráðgjafar hjá verkfræðistofunni Eflu skilað af sér minnisblaði þar sem farið er yfir athugasemdir sem bárust og tillögu að úrvinnslu þeirra. Skipulags- og byggingarfulltrúi kynnti minnisblaðið.

Á fundi sínum þann 27. apríl s.l. heimilaði skipulags- og framkvæmdaráð Rifósi að leggja fram tillögu að breytingu deiliskipulags iðnaðarsvæðis I1 á Röndinni á Kópaskeri. Skipulagsráðgjafi, Ómar Ívarsson hjá Landslagi, hefur nú skilað til sveitarfélagsins tillögu að deiliskipulagsbreytingu og f.h. lóðarhafa óskað umfjöllunar um hana á fundi skipulags- og framkvæmdaráðs. Breytingartillagan felur í sér sameiningu og stækkun byggingarreita auk þess sem gert er ráð fyrir að byggja megi hús með allt að 11,2 m vegghæð og 14,2 m mænishæð á kerjapöllunum. Gert er ráð fyrir að byggja megi allt að 800 m² þjónustuhús innan byggingarreits A1. Tillaga að breytingu deiliskipulags er sett fram í einu blaði í mkv. 1:1000 á blaðstærð A1.

Nú er lokið kynningu á skipulagslýsingu deiliskipulags athafnasvæðis A2 á Höfða á Húsavík. Umsagnir bárust frá Heilbrigðiseftirliti Norðurlands eystra, Minjastofnun, Vegagerðinni, Skipulagsstofnun og Umhverfisstofnun. Umhverfisstofnun telur ekki tilefni til að veita formlega umsögn um tillöguna. Skipulagsstofnun og Heilbrigðiseftirlit gera ekki athugasemdir við skipulagslýsinguna. Vegagerðin tilgreinir að færa verði legu jarðganga og 20 m öryggissvæði meðfram þeim á skipulagsuppdrátt. Skv. skipulagsreglugerð þarf að sýna veghelgunarsvæði á uppdrætti. Minjastofnun telur misskilnings gæta varðandi skráðar fornminjar á skipulagssvæðinu í skipulagslýsingunni. Minjavörður stefnir á að mæla upp fornleifar innan skipulagssvæðisins og meta hvort tilefni er til mótvægisaðgerða.

Sýslumaðurinn á Norðurlandi eystra óskar umsagnar Norðurþings vegna rekstar gististaðar í flokki IV fyrir Skúlagarð í Kelduhverfi.

Landeigendur og lóðarhafar að Steinholti (L174411) í Reykjahverfi óska eftir samþykki fyrir hnitsetningu lóðarinnar skv. meðfylgjandi lóðarblaði. Á lóðarblaði er afmörkuð 4.705 m² lóð en þinglýst lóð skv. lóðarleigusamningi er 30.000 m². Miðað er við að sá hluti núverandi lóðar sem lendir utan nýrra lóðarmarka falli aftur til upprunajarðarinnar, Þverár. Ennfremur er óskað heimildar til að skipta lóðinni út úr jörðinni.

Á 90. fundi fjölskylduráðs þann 3.5 2021, var félagsmálastjóra falið að ráða aðgengisfulltrúa til að taka út aðgengismál í sveitarfélaginu. Félagsmálastjóri bendir á að eðlilegt er að slíkt verkefni sé á hendi skipulags- og framkvæmdráðs þar sem um fasteignir og aðrar eignir Norðurþings er að ræða.

Á 91. fundi fjölskylduráðs, leggur ráðið til við skipulags- og framkvæmdaráð að ráðinn verði aðgengisfulltrúi í sumar.

Sigurjón Benediktsson að Kaldbaki hvetur sveitarstjórn til að endurvekja friðun lands og vatna í sveitarfélaginu gagnvart fuglalífi. Í því tilliti leggur hann til að byrjað verði með áréttingum um friðun fuglalífs umhverfis Kaldbakstjarnir sunnan Húsavíkur. Á fundi sínum þann 22. apríl 2003 ákvað þáverandi bæjarstjórn Húsavíkur að heimila ekki neina eggjatöku í landi Kaldbaks og var sú friðun auglýst árlega til margra ára. Langt er hinsvegar síðan birt hefur verið auglýsing um friðun svæðisins. Í gildandi aðalskipulagi er umhverfi tjarnanna skilgreint sem hverfisverndarsvæði (Hv4) sem mikilvægt búsvæði fugla.

Fyrir liggur að ráðist verði í breytingar í tengslum við tengingu Höfðabrautar inn á Aðalbraut innan Raufarhafnar í sumar. Staðið hefur til um nokkurt skeið að gera nauðsynlegar breytingar á gatnamótunum m.t.t. umferðaröryggis, án þess þó að af því hafi orðið þar til nú.
Vegagerðin hefur lagt fram tillögu að kostnaðarskiptingu aðila í tengslum við verkið, en óskað er afstöðu skipulags- og framkvæmdaráðs til þeirrar tillögu. Einnig þarf afstaða skipulags- og framkvæmdaráðs að liggja fyrir varðandi umfang fyrirhugaðrar framkvæmdar svo áætla megi kostnaðarhlutdeild Norðurþings í tengslum við verkefnið.

Á 90. fundi fjölskylduráðs var m.a. eftirfarandi bókað: Ráðið vísar til skipulags- og framkvæmdaráðs að brýnt sé að koma upp aðstöðu til að losa ferðasalerni fyrir sumarið 2021. Einnig að gera ráð fyrir því að fjölga rafmagnstenglum á tjaldsvæðinu.

Fyrir liggur erindi frá Sýslumanni þar sem óskað er eftir því að umhverfi sýsluskrifstofunnar á Húsavík við Útgarð 1 hljóti þá andlitslyftingu sem svæðinu ber.

Bergur Elías og Silja leggja fram eftirfarandi tillögu.

Undirrituð leggja fram tillögu í framhaldi af erindi um að skilgreina svæði fyrir lausagöngu hunda sem samþykkt var á fundi skipulags- og framkvæmdaráðs. Tillagan lýtur að því að setja upp hundagerði við Ásgarðsveg á leið upp að Botnsvatni, sjá mynd. Kostnaðaráætlun með breytingum má sjá í meðflygjandi skjali. Á Húsavík er virkt hundasamfélag sem er tilbúið að koma að vinnunni við uppsetningu á gerðinu. Undirrituð leggja til að efniskostnaður verði greiddur auk aðstoðar við uppsetningu staura, samsvarandi leið A í kostnaðaráætlun. Fulltrúar hundasamfélagsins munu síðan leggja til vinnu við uppsetningu gerðisins. Bera skuli þetta erindi upp við þá og er Benóný Valur tilbúin til að vera forsvarsmaður hundasamfélagsins í þeim viðræðum.

Óskað hefur verið eftir því af íbúum við Árgötu 6 og 8, að nauðsynlegar lagfæringar verði gerðar á vegi um Árgil svo hindra megi að vegryk berist yfir svæðið í þurru veðri.

Fyrir fundi skipulags- og framkvæmdaráðs liggur afrit af bréfi til Fiskistofu frá Jóni Helga Björnssyni f.h. Veiðifélags Laxár í Aðaldal, Páli Ólafssyni f.h. Veiðifélags Mýrarkvíslar og Guðmundi Helga Bjarnasyni f.h. Veiðifélags Reykjadalsár og Eyvindarlækjar.
Í bréfinu kalla formenn veiðifélaganna eftir því að stofnunin beiti sér gegn útgáfu netaveiðileyfa til silungsveiða fyrir landi Húsavíkur til handa íbúum í Norðurþingi og að árleg útgáfa veiðileyfanna verði bönnuð með öllu.

Óskað er eftir að fá að nýta stórgrýti úr "miðgarði" Húsavíkurhafnar til að ganga frá á lóðamörkum við Naustagarð 2, í samráði við hafnastjóra. Kostnaður við
frágang grjótsins falli á lóðareiganda og frágangur og viðskilnaður verði í samráði við hafnastjóra.

Fundargerð 434. fundar Hafnasambands Íslands lögð fram.