Fréttir

Á öskudaginn 17. Febrúar nk. mun starfsfólk í stjórnsýsluhúsinu á Húsavík taka á móti börnum sem vilja koma og syngja fyrir nammi. Ákveðnar sóttvarnarreglur verða þó í gildi en einn hópur má koma inn í andyrið í einu og hámark 3 fullorðnir með hverjum hóp.

Sjónum verður að þessu sinni beint sérstaklega að barnavernd og öryggi og velferð barna og ungmenna

Fjölskylduráð Norðurþings auglýsir eftir umsóknum um styrki til lista- og menningarmála. Styrkirnir eru veittir samkvæmt skipulagsskrá Lista- og menningarsjóðs Norðurþings og reglum um úthlutun úr sjóðnum.

Vegna bilunar í dælubúnaði hefur íþrótta- og tómstundafulltrúi Norðurþings tekið ákvörðun um að loka gervigrasvellinum á Húsavík tímabundið. Ákvörðunin er tekin með það fyrir augum að hlífa vellinum og koma í veg fyrir skemmdir.

Sveitarstjórn Norðurþings samþykkti á fundi sínum þann 19. janúar s.l. að auglýsa til almennrar kynningar tillögu að deiliskipulagi fyrir fiskeldi í Núpsmýri í Öxarfirði ásamt tilheyrandi umhverfisskýrslu.

Sundlaug Húsavíkur er því miður lokuð frá og með deginum dag vegna bilunar í aðaldælu laugarinnar. Unnið er að viðgerð en ljóst er að sundlaugin opnar ekki fyrr en í fyrsta lagi n.k. þriðjudag.

Á 109. fundi sveitarstjórnar Norðurþings voru uppfærðar reglur Norðurþings um afslátt af fasteignaskatti samþykktar.

109. fundur sveitarstjórnar Norðurþings

Skrifstofur Norðurþings á Húsavík og Kópaskeri eru opnar mánudaga - fimmtudaga frá kl. 09:00 - 15:00 og föstudögum frá kl. 09:00 - 13:00.

Tilkynning frá Íslenska Gámafélaginu

Skipulags- og framkvæmdaráð Norðurþings hefur ákveðið að kynna drög að deiliskipulagi hluta Miðbæjarsvæðis 7 á Húsavík eins og það er skilgreint í Aðalskipulagi Norðurþings 2010-2030. Svæðið sem um ræðir afmarkast af Ketilsbraut í vestri, Útgarði í norðri, Auðbrekku í austri og Pálsgarði í suðri. Í gildi er deiliskipulag fyrir lóðina Útgarð 4 sem fellt er undir fyrirhugað nýtt og stærra skipulagssvæði. Helstu nýmæli skipulagstillögunnar felast í því að heimila uppbyggingu þriggja hæða íbúðarhúss á lóðinni að Útgarði 2, en það er eina óbyggða lóð svæðisins.

Orkuveita Húsavíkur óskar viðskiptavinum sínum gleðilegs árs og þakkar fyrir viðskiptin á liðnum árum. Um leið viljum við minna viðskiptavini á að skila inn álestri af hitaveitumælum. Álestur er nauðsynlegur við árlegt uppgjör og það er hagur notenda að áætlun sé rétt þannig að reikningar taki mið af raunnotkun.