Byggðarráð Norðurþings

Byggðarráð þakkar Guðbjarti Ellerti Jónssyni fjármálastjóra frá Norlandair fyrir komuna á fundinn og góða yfirferð á stöðu og horfum er varða framhald á flugi til Húsavíkur.

Norlandair hyggst ekki halda áfram áætlunarflugi til Húsavíkur eftir að samningstíma milli félagsins og ríkisins um flug til Húsavíkur lýkur þann 15. mars næstkomandi. Byggðarráð telur að samningurinn hafi verið til of skamms tíma, nýting flugsins hafi verið góð og lítið vanti upp á til að tryggja flug til Húsavíkur allt árið um kring.

Byggðarráð skorar á ráðherra samgöngu- og sveitarstjórnarmála að tryggja samninga um áætlunarflug til Húsavíkur allt árið.

Byggðarráð þakkar Eddu Sif Pind Aradóttur forstjóra og Ólafi Elínarsyni samskiptastjóra, fulltrúum Carbfix hf. fyrir komuna á fundinn og greinargóða kynningu á verkefninu.

Byggðarráð vísar sameiginlegri yfirlýsingu sveitarfélagsins Norðurþings og Carbfix hf. til afgreiðslu í sveitarstjórn.

Í viðhengi með fundargerð er kynning þar sem frekari grein er gerð fyrir verkefninu.

Byggðarráð Norðurþings harmar að komið hafi til lokana á flugbrautum 13-31 á Reykjavíkurflugvelli. Með því er öryggi fólks á landsbyggðunum og þjónustu við það skert enn frekar. Ráðið tekur undir sjónarmið Miðstöðvar sjúkraflugs á Íslandi um að óheft aðgengi að flugvellinum er lífsnauðsynlegt fyrir sjúkraflug og óásættanlegt að öryggi og aðgengi landsbyggðanna að innanlandsflugvellinum í Reykjavík sé stefnt í voða vegna tregðu Reykjavíkurborgar við að fækka trjám til að tryggja aðflug. Byggðarráð skorar á Reykjavíkurborg að hraða aðgerðum við fellingu trjáa. Reykjavíkurborg er höfuðborg allra íbúa landsins og þarf að bregðast við í samræmi við það.

Byggðarráð skorar á Samgöngustofu að fullnýta allar lagaheimildir sínar til að tryggja opnun á flugbrautunum, þar með talið 150. gr. loftferðarlaga þar sem segir eftirfarandi:

"Telji Samgöngustofa verulega hættu stafa af hindrun eða öðru því sem 2. og 3. mgr taka til er henni heimilt að bregðast við án tafar og atbeina lögreglu ef þörf krefur".

Byggðarráð gerir þá kröfu á ráðherra samgöngu- og sveitarstjórnarmála og ríkisstjórn Íslands að gengið verði tafarlaust í málið til að tryggja þennan þátt öryggis íbúa og gesta landsbyggðanna.

Byggðarráð heldur áfram umfjöllun sinni á næsta fundi ráðsins.

Byggðarráð mun klára vinnu sína við endurskoðun samþykkta Norðurþings á næsta fundi sínum þann 20. febrúar nk.

Byggðarráð samþykkir að veita Sóknarnefnd Húsavíkurkirkju styrk á móti fasteignagjöldum með sama hætti og gert var á árinu 2024.

Byggðarráð samþykkir ósk frá Samtökum um kvennaathvarf um styrk vegna húsnæðiskostnaðar á árinu 2025. Hlutdeild Norðurþings í kostnaði verður 391.205 kr á árinu 2025.

Byggðarráð samþykkir að Norðurþing endurgjaldi heimsókn Karlskoga frá árinu 2024 og felur sveitarstjóra að hefja undirbúning og senda þeim formlegt boð.

Byggðarráð samþykkir að sækja ekki um stofnframlög að þessu sinni en skoða málið með tilliti til þeirra breytinga sem eru að verða á skipulagi vegna þéttingar byggðar í næstu úthlutun sem verður síðar á árinu.

Byggðarráð felur sveitarstjóra að skila inn umsögn í samræmi við umræður á fundinum.

Lagt fram til kynningar.

Lagt fram til kynningar.

Byggðarráð vísar liðum 2 og 3 í fundargerðinni til skipulags- og framkvæmdaráðs.

Byggðarráð felur sveitarstjóra að vekja athygli stjórnar DA sf. á 5. lið fundargerðarinnar.