Hraðatakmarkanir á Húsavík og annarra þéttbýlisstaða innan Norðurþings

Framkvæmda- og þjónustufulltrúa falið að teikna upp og skilgreina umferðarmerkingar og hámarkshraða á götum Húsavíkur og leggja fyrir fund framkvæmdanefndar.

Framkvæmdanefnd frestar málinu til næsta fundar.

Framkvæmdanefnd felur Hjálmari Boga Hafliðasyni að vera fulltrúi nefndarinnar og í samstarfi við ökukennara og lögregluyfirvöld, að rýna í fyrirliggjandi drög og leggja tillögur fyrir næsta fund nefndarinnar.

Skipulags- og framkvæmdaráð mun taka þetta erindi upp aftur í október. Verið er að bíða eftir gögnum úr samráðsvinnu.

Hreiðar Hreiðarsson frá lögreglunni og Sigurður Þórarinsson ökukennari mættu á fundinn undir þessum lið.

Skipulags- og framkvæmdaráð felur framkvæmda- og þjónustufulltrúa að búa til yfirlitsmynd yfir Húsavík og útlista þær götur sem ráðið leggur til að taki breytingum á hámarkshraða út frá 50 km/klst. og 35 km/klst.

Skipulags- og framkvæmdaráð samþykkir með áorðnum breytingum og vísar málinum til afgreiðslu í sveitarstjórn.

Byggðarráð samþykkir fyrirliggjandi tillögu um hraðatakmarkanir í þéttbýli á Húsavík.

Til máls tóku; Kristján Þór, Hjálmar Bogi, Silja og Helena Eydís.

Hjálmar Bogi leggur til við sveitarstjórn að vísa málinu aftur til skipulags- og framkvæmdaráðs.
Tillagan er samþykkt með atkvæðum allra nema Silju sem greiddi atkvæði á móti.

Frestað.

Skipulags- og framkvæmdaráð fjallaði um umferðarhraða í þéttbýli og frestar málinu til næsta fundar.

Kristinn Jóhann Lund leggur til að tillaga skipulags- og framkvæmdaráðs um hraðatakmarkanir á Húsavík fari í íbúðasamráð í gegnum rafræna samráðsgátt. Samráðið verði sett af stað sem allra fyrst þannig að ráðið geti fjallað um umsagnir íbúa. Samráðið verði kynnt fyrir íbúum á vef sveitarfélagsins og facebooksíðu Norðurþings ásamt því að kynna það í öðrum staðbundnum miðlum.
Skipulags- og framkvæmdaráð samþykkir tillögu Kristins.

Skipulags- og framkvæmdaráð ákveður að leggja fram fyrirliggjandi mynd á betraisland.is þar sem íbúum verður boðið uppá að taka afstöðu til myndarinnar og koma með ábendingar og tillögur.

Röðull Reyr þjónustufulltrúi Norðurþings kom á fund og kynnti fyrirkomulag á íbúakosningu um hraðatakmarkanir á Húsavík. Ráðið þakkar kynninguna, samþykkir fyrirkomulagið og hvetur íbúa til að taka þátt á slóðinni www.nordurthing.betraisland.is.

Skipulags- og framkvæmdaráð þakkar íbúum fyrir að taka þátt í íbúakosningu um hraðatakmarkanir. Niðurstöðurnar eru þær að 21 er með tillögunni en 35 á móti. Ráðið samþykkir tillöguna eins og hún liggur fyrir auk þess að hámarkshraði á Mararbrautinni frá Uppsalavegi að Garðarsbraut verði 30 km.

Til máls tóku Silja, Kristján, Hafrún, Kolbrún Ada, Helena, Lilja og Gísli.

Kristján leggur fram eftirfarandi breytingartillögu:
Sveitarstjóri leggur til að tillaga um breytingu á hámarkshraða á Húsavík eins og hún birtist fyrir fundi skipulags- og framkvæmdaráðs verði samþykkt, en því hafnað að hámarkshraði á Mararbrautinni frá Uppsalavegi að Garðarsbraut verði 30 km/klst.

Samþykkt með atkvæðum Eiðs, Hafrúnar, Helenu, Heiðbjartar, Kristjáns og Kolbrúnar Ödu.

Silja og Lilja eru á móti tillögunni.
Gísli situr hjá.

Bergur Elías leggur fram eftirfarandi bókun.

Umræðan um merkingar hefur snúið að því sem hefur verið ábótavant, ekki að breyta merkingum. Bæði lögregla og ökukennarar hafa bent á hvar merkingum er ábótavant. Málið er varðar stöðvunarskyldu hefur aldrei verið afgreitt; aldrei lagt til og því aldrei samþykkt eins og fram kemur í feril málsins. Ráðið hefur aldrei tekið afstöðu til stöðvunarskylda á Húsavík.

Í ljósi þessa þá er spurt hvort formaður ráðsins sé að leggja til að samþykkja það sem þegar er búið að gera?

Silja leggur til:

Á 24. fundi framkvæmdaráðs, þann 10. janúar 2018, var starfsmanni falið að teikna upp og skilgreina umferðarmerkingar og hámarkshraða á götum Húsavíkur og leggja fyrir fund framkvæmdanefndar. Skilgreiningar umferðamerkja var lagt fyrir fund ráðsins en aldrei tekið til efnislegrar umfjöllunar og ekki samþykkt.

Því er lagt til nú að nýta þá vinnu sem þó hefur farið fram og vísa til umsagnar hjá lögreglu og Vegagerð og taka svo til umfjöllunar í Skipulags-og framkvæmdaráði að nýju. Lagt er einnig til að taka niður þær stöðvunarskyldur sem búið er að setja upp. Merkingum hefur verið ábótavant og mikilvægt að halda vinnunni áfram.
Ráðið samþykkir tillöguna.

Skipulags- og framkvæmdaráð þakkar fyrir umsögn frá lögreglu og ökukennara en frestar erindinu þar sem ekki er komin umsögn frá Vegagerðinni.

Skipulags- og framkvæmdaráð samþykkir að taka tillit til ábendinga lögreglu, vegagerðar og ökukennara. Ráðið felur framkvæmda- og þjónustufulltrúa að taka þau gögn saman og leggja fyrir ráðið í formi auglýsingar að þremur vikum liðnum.

Skipulags- og framkvæmdaráð felur framkvæmda- og þjónustufulltrúa að útbúa drög að auglýsingu í stjórnarskrártíðindi og leggja fyrir ráðið að viku liðinni. Drögin skulu byggð á fyrirliggjandi gagni þar sem tekið er tillit til ábendinga lögreglu varðandi stöðvunarskyldur sem ættu að vera biðskyldumerkingar. Einnig varðandi Sólvelli inn á Fossvelli. Einnig að taka tillit til ábendinga ökukennara varðandi hægri rétt á tveimur gatnamótum upp á Höfða. Ekki skal bæta við merkingum við bílastæði við Uppsalaveg sem var tillaga en lögregla telur óþarft. Við Árgötu inn á Garðarsbraut skal taka stöðvunarskyldu af.
Bergur Elías situr hjá.

Skipulags- og framkvæmdaráð felur framkvæmda- og þjónustufulltrúa að breyta auglýsingu með tilliti til umferðahraða við Norðausturveg (þjóðv. 85) inn á Héðinsbraut norðan Húsavíkur (við Gónhól til suðurs) að gatnamótum við Traðargerði til samræmis við fyrirliggjandi kort. Ráðið heimilar auglýsinguna að öðru leiti og vísar henni til afgreiðslu í sveitarstjórn.

Til máls tóku; Hjálmar, Silja, Kristján og Kolbrún Ada.

Hjálmar leggur til að stöðvunarskylda í B19.11 Uppsalavegi inn á Mararbraut (Stangarbakka) og Uppsalavegi inn á Garðarsbraut (austur/vestur) verði biðskylda.

Tillaga Hjálmars er samþykkt öllum greiddum atkvæðum nema Silju sem situr hjá.


Sveitarstjórn samþykkir tillögu skipulags- og framkvæmdaráðs með breytingartillögu Hjálmars samhljóða.