Fréttir

Síðastliðið sumar voru settir upp grenndargámar við Tún á Húsavík til að einfalda íbúum að losa sig á skilvirkan hátt við gler, járn og textíl frá heimilum en sveitarfélögum er skylt samkvæmt lögum að safna þessum flokkum til að hámarka hlutfall úrgangs sem er hæfur til endurvinnslu eða endurnýtingar. Því miður hefur umgengni um grenndargámana verið slæm frá fyrsta degi.

Við vekjum athygli á því að klukkan 17:00 í dag 30. janúar verður æfing hjá Slökkviliðinu í sundlaug Húsavíkur. Þess vegna verða slökkviliðsbílar við sundlaug Húsavíkur frá kl. 17:00.

Skipulags- og framkvæmdaráð Norðurþings samþykkti á fundi sínum 23. janúar 2024 að kynna skipulagslýsingu í samræmi við 1. mgr. 40. og 41. greina skipulagslaga nr. 123/2010 vegna gerðar nýs deiliskipulags fyrir lóðirnar að Garðarsbraut 44-48 á Húsavík.

Fjölskylduráð Norðurþings auglýsir eftir umsóknum um styrki í lista- og menningarsjóð

Norðurþing auglýsir eftir áhugasömum aðila eða aðilum sem kunna að hafa áhuga á að taka að sér rekstur og umsjón með tjaldsvæðum Norðurþings 2024 – 2026. Tjaldsvæðin eru staðsett á Húsavík, Kópaskeri og Raufarhöfn.

Mikil aukning hefur verið á skipakomum til Húsavíkur nú í byrjun árs og hefur mátt sjá skipin bíða fyrir utan höfnina undanfarna daga

Á síðasta fundi sveitarstjórnar var húsnæðisáætlun Norðurþings vegna ársins 2024 samþykkt samhljóða. Hlutverk húsnæðisáætlunar er að draga fram mynd af því hver staða húsnæðismála er í sveitarfélaginu, greina framboð og eftirspurn eftir margvíslegum húsnæðisformum og setja fram áætlun um hvernig sveitarfélagið ætlar að mæta húsnæðisþörf heimila, bæði til skemmri og lengri tíma.

Sveitarstjórn Norðurþings samþykkti á fundi sínum 18. janúar 2024 að kynna tillögu að breytingu á deiliskipulagi miðhafnarsvæðis Húsavíkur skv. 1. mgr. 43. gr. skipulagslaga nr. 123/2010. Breytingartillagan felur í sér breytingu á byggingarreit við Naustagarð 2 og tilfærslu á bílastæðum.

Norðurþing óskar eftir að ráða fjölmenningarfulltrúa hjá sveitarfélaginu. Um er að ræða ótímabundið starf sem er allt að 75% starfshlutfall. Fjölmenningarfulltrúi er ráðgefandi í málefnum innflytjenda og nýrra íbúa og starfar náið með sviðsstjórum og öðrum stjórnendum sveitarfélagsins. 

Sett hefur verið upp grenndarstöð á Kópaskeri til söfnunar á málmi, gleri og textíl.

Fyrirhugaður er 141. fundur sveitarstjórnar Norðurþings, föstudaginn 22. desember kl. 10:00 í stjórnsýsluhúsinu á Húsavík.

Frá árinu 2018 hefur starfað fjölmenningarfulltrúi í Norðurþingi sem gegnir því hlutverki að vera tengiliður sveitarfélagsins við nýja íbúa og innflytjendur.