Gjaldtaka á bílastæðum í miðbænum og á hafnarsvæði

Skipulags- og framkvæmdaráð felur sviðsstjóra skipulags- og umhverfissviðs að taka saman minnisblað um möguleika til gjaldtöku á bílastæðum í miðbæ og á hafnarsvæði á Húsavík.

Skipulags- og framkvæmdaráð þakkar sviðsstjóra fyrir kynninguna og leggur til að hann boði stjórn hafnasjóðs til fundar, um málið, með ráðinu á næstunni.

Eiður Pétursson, formaður stjórnar hafnasjóðs Norðurþings, sat fundinn undir þessum lið.

Skipulags- og framkvæmdaráð telur að með gjaldtöku á bílastæðum sé hægt að stýra umferð um hafnasvæðið á Húsavík á valin gjaldfrjáls bílastæði annarsstaðar í bænum og leggur því til við byggðarráð að stofnaður verði bílastæðasjóður fyrir sveitarfélagið. Málið verður tekið fyrir aftur þegar afstaða byggðarráðs liggur fyrir.

Byggðarráð felur sveitarstjóra að kanna möguleika á stofnun bílastæðasjóðs Norðurþings og kynna fyrir ráðinu að nýju.

Byggðarráð felur sveitarstjóra að vinna að stofnun Bílastæðasjóðs Norðurþings og vísar frekara skipulagi og útfærslu gjaldskyldra bílastæða til skipulags- og framkvæmdaráðs.

Skipulags- og framkvæmdaráð vísar erindinu til umfjöllunar í Stjórn hafnasjóðs og lokaútfærslu í byggðarráði. Sviðsstjóra skipulags- og umhverfissviðs er falið að vinna málið áfram með sveitarstjóra.

Stjórn Hafnasjóðs leggur til að gjaldtaka bílastæða verði einungis á miðhafnarsvæðinu sumarið 2024.

Skipulags- og framkvæmdaráð tekur undir bókun stjórnar Hafnasjóð og vísar málinu til byggðarráðs.

Byggðarráð samþykkir að gjaldtaka bílastæða verði einungis á miðhafnarsvæðinu sumarið 2024.

Byggðarráð samþykkir fyrirliggjandi skjöl og vísar þeim til afgreiðslu í sveitarstjórn.

Til máls tók: Katrín.

Sveitarstjórn samþykkir samhljóða að vísa samþykktum um Bílastæðasjóðs Norðurþings til síðari umræðu í sveitarstjórn.

Sveitarstjórn samþykkir samhljóða gjaldskrá Bílastæðasjóðs og samninginn við Parka Lausnir ehf. um innheimtu bílastæðagjalda með rafrænni greiðslulausn.

Samþykkt samhljóða.