Fréttir

Í gær gengu íbúar ofangreindra sveitarfélaga að kjörborðinu um tillögu sameiningarnefndar um sameiningu fjögurra sveitarfélaga í eitt.  Kjörsókn í gær var betri í þremur af fjórum sveitarfélögum sem nú hafa samþykkt sameiningu heldur en hún var í kosningunum 8. október sl. Í Raufarhafnarhreppi var kjörsókn heldur minni nú en í fyrstu umferð kosninganna, en munurinn er þó óverulegur eða 1,4%.  Í öllum sveitarfélögunum fjórum eru fleiri sem greiða atkvæði með sameiningu nú en í fyrstu umferð kosninganna.  Ef niðurstöðurnar eru skoðaðar út frá þeim sem afstöðu tóku í atkvæðagreiðslunum 8. október og 21. janúar kemur í ljós að stuðningur við sameiningu hefur vaxið.  

Vegna starfsdaga í Borgarhólsskóla 19. og 20. janúar n.k. verður sundlaugin opin fyrir almenning frá 6.45-21.00.  Forstöðumaður.

Á dögunum var dreift á öll heimili í Húsavíkurbæ, Kelduneshreppi, Öxarfjarðarhreppi og Raufarhafnarhreppi, kynningarbæklingi frá samstarfsnefnd um sameiningu þessara sveitarfélaga. Í bæklingnum reifa íbúar sjónarmið sín með og á móti sameiningu sveitarfélaganna og er umfjöllunin hin áhugaverðasta. Bæklinginn í heild sinni má nálgast með því að smella á tengilinn hér að neðan. Kynningarbæklingur

Kjörskrá fyrir Húsavíkurbæ vegna kosninga um sameiningu Húsavíkurbæjar, Kelduneshrepps, Öxarfjarðarhrepps og Raufarhafnarhrepps liggur frammi í stjórnsýsluhúsinu á opnunartíma.

Fjárhagsáætlun Húsavíkurbæjar fyrir 2006 og þriggja ára áætlun 2007-2009 var afgreidd við síðari umræðu í bæjarstjórn 20. desember s.l. Helstu stærðir áætlunarinnar eru að heildartekjur samstæðu Húsavíkurbæjar á árinu 2006 eru áætlaðar 1.439 mkr. Heildargjöld eru áætluð 1.535 mkr., en þar af eru reiknaðar afskriftir 138 mkr., reiknuð hækkun lífeyrisskuldbindinga 49 mkr. og reiknaðar verðbætur lána 63 mkr. Veltufé frá rekstri er því 102 mkr., en að mati fagaðila er sá mælikvarði betri á rekstrarhæfi sveitarfélaga en niðurstöður rekstraráætlunar sem hefur að geyma ýmsar reiknaðar stærðir.

Nýverið var gengið frá samkomulagi við útgefanda Skráarinnar og Íslandspóst um dreifingu á Skránni til íbúa innan sveitarfélagsins sem njóta þjónustu landpósts. Fyrirkomulagið er þannig að þegar Skráin kemur út er farið með hana á póstinn sem dreifir henni á heimilin sem svokölluðum fjölpósti.

Vegna fæðingarorlofs  er auglýst eftir forstöðumanni að Bókasafninu á Húsavík í 100% starf í 14 mánuði frá 1. apríl 2006. Um er að ræða fjölbreytt starf á nútímalegu safni. Umsækjendur þurfa að búa yfir skipulagshæfileikum, færni í mannlegum samskiptum og hafa reynslu af öflun og miðlun upplýsinga. Æskilegt er að umsækjendur hafi lokið námi í bókasafns – og upplýsingafræðum eða annarri háskólamenntun sem nýtist í starfi og hafi góða þekkingu á tölvum og möguleikum hugbúnaðar í safnaþjónustu. 

Utankjörfundaratkvæðagreiðsla vegna sameiningarkosninganna 21. janúar 2005, er hafin á Sýsluskrifstofunni. Kosið verður um sameiningu fjögurra sveitarfélaga. Raufarhafnarhrepps, Öxarfjarðarhrepps, Kelduneshrepps og Húsavíkurbæjar. Íbúar eru hvattir til þess að nýta rétt sinn og kjósa.

Bæjarráð samþykkti á fundi sínum í gær, þ. 29.12.2005 að taka þátt í kostnaði við hljómsveit á áramótadansleik með fjárframlagi allt að 40.000,- kr.

Því miður fækkar íbúum Húsavíkurbæjar eitt árið enn og nemur fækkunin 53 íbúum miðað við íbúafjöldann eins og hann var skráður 1. des. 2004 skv. tölum Hagstofu Íslands. Samkvæmt  þeim er hann 2.373 1. des. 2005 en var 2.426 fyrir ári síðan. Raunar er það svo að íbúum fækkar í öllum sveitarfélögum sýslunnar nema Þórshafnarhreppi, en þar fjölgar þeim um 6. Í heildina fækkar í sýslunni um 103 á milli ára.