Fréttir

Fjölskyldu- og þjónusturáð Húsavíkurbæjar auglýsir eftir umsóknum um styrki til lista- og menningarmála.  Styrkirnir eru veittir samkvæmt skipulagsskrá Lista- og menningarsjóðs Húsavíkurbæjar og reglum um úthlutun úr sjóðnum. 

Húsavíkurbær hefur ákveðið að ganga til samninga við Þekkingu hf. um heildarumsjón tölvumála Húsavíkurbæjar. Nokkur nýbreytni felst í fyrirkomulagi því sem fyrir valinu varð og eru aðilar með þessu að stíga stórt skref til hagræðingar þar sem þó er fyllsta öryggis og gæðasjónarmiða gætt.

Fyrsti fundur bæjarstjórnar að afloknu sumarleyfi verður þriðjudaginn 20. september n.k. og hefst kl. 16:00. Fundarstaður er Blái salurinn á Fosshótel Húsavík.

  Umhverfisráðherra hefur nú heimilað að heilsuvatnið af Húsavíkurhöfða verði sett óklórað í heitan pott við Sundlaug Húsavíkur og geta því Húsvíkingar og gestir þeirra notið lækningarmáttar vatnsins að fullu án óæskilegra áhrifa klórunar.

Nú er lokið vinnu við mótun nýrrar starfsmannastefnu hjá Húsavíkurbæ. Hefur stefnan verið kynnt starfsmönnum sveitarfélagsins. Meðfylgjandi mynd var tekin á kynningarfundi í Borgarhólsskóla og er sýnilegt að margir voru mjög áhugasamir.

 Í dag snæddu nemendur í Borgarhólsskóla fyrstu skólamáltíð haustsins. Nýtt fyrirkomulag er á áskriftum, boðin er áskrift fjóra daga í viku og telst það fullt fæði. Máltíðirnar eru niðurgreiddar af sveitarfélaginu til þeirra sem eru í fullu fæði. Þátttaka í skólamáltíðum hefur aldrei verið meiri en nú en 207 nemendur eru skráðir, flest voru 149 í fyrra vetur.

Nú er unnið að mælingum vegna jarðvegsskipta í Höfðavegi. Áformað er að gröftur hefjist strax í byrjun næstu viku. Þetta er lokaáfangi jarðvegsskipta við götuna þeas. elsti hluti hennar frá húsinu Vík og austur að Sólbakka. Á meðfylgjandi mynd eru starfsmenn bæjarins við mælingavinnu.

Nú standa yfir framkvæmdir á lóð Borgarhólsskóla. Áformað er að koma upp tveimur sparkvöllum norðan við skólann. Vellirnir eru svokallaðir battavellir svipaðir og á myndinni sem fylgir með þessari frétt. Meðfylgjandi mynd sýnir starfsmenn Norðurvíkur við vinnu sína.

Á fundi bæjarráðs í gær, fimmtudaginn 21. júlí, voru samþykktar reglur varðandi sölu íbúða í eigu Húsavíkurbæjar. Reglurnar eru svohljóðandi:

Í dag er unnið að niðurrifi Bakkans, Garðarsbrautar 20. Húsið skemmdist talsvert í bruna og var ekki talið álitlegt að gera það upp. Húsavíkurbær keypti því húsið til niðurrifs til að skapa rými á svæðinu.

Á fundi sínum 21. júní s.l. samþykkti bæjarstjórn Húsavíkurbæjar fjölskyldustefnu sveitarfélagsins. Stefnunni er ætlað að vera sveitarfélaginu hvatning til að búa vel að fjölskyldum í sveitarfélaginu.

Á síðasta fundi bæjarstjórnar 21. júní s.l.,  sem jafnframt var síðasti fundur hennar fyrir sumarleyfi, var kosið í embætti fyrir starfsárið 2005-2006 skv. A lið- 57. gr. samþykktar um stjórn Húsavíkurbæjar og fundarsköp bæjarstjórnar.