Fréttir

Í sumar var undirritaður samningur á milli Húsavíkurbæjar og Símans, sem er hluti af rammasamningum ríkisins. Samningurinn hefur í för með sér margvíslegar breytingar á áskriftum og afnotagjöldum. Eftir tveggja mánaða reynslu af samningnum hefur náðst verulegur árangur í lækkun á símkostnaði. Lækkunin jafngildir um ½ milljón króna lækkun á ári miðað við það skipulag sem nú er á símkerfi Húsavíkurbæjar.

Fundur verður haldinn í Bæjarstjórn Húsavíkurbæjar, þriðjudaginn 25. október 2005 og hefst hann kl. 16.00. Fundarstaður er Blái salurinn í Félagsheimili Húsavíkur.

 S.l. föstudag voru sparkvellirnir við Borgarhólsskóla teknir  formlega í notkun. Athöfnin hófst með ávörpum bæjarstjóra,  Reinhards Reynissonar og fulltrúa KSÍ, Geirs Þorsteinssonar  framkvæmdastjóra og Eyjólfs Sverrissonar sem hefur haft umsjón  með sparkvallaátakinu f.h. KSÍ. Því næst færðu fulltrúar KSÍ  Borgarhólsskóla og Völsungi fótbolta að gjöf. Að lokum klipptu tveir  ungir knattspyrnuiðkendur á borða til marks um formlega  opnun vallanna.

Uppskeruhátíð Ferðaþjónustunnar á Norðurlandi Ferðamálasamtök Norðurlands eystra og vestra, Ferðaþjónustuklasinn/ Vaxey og Markaðsskrifstofa ferðamála á Norðurlandi bjóða til Uppskeruhátíðar ferðaþjónustunnar þann 10. nóvember. Þangað eru boðnir allir sem starfa að ferðamálum á Norðurlandi.

Á dögunum var fyrsta skipið bundið við nýjan viðlegukant, Bökugarð, þegar Björg Jónsdóttir ÞH 321 lagðist þar að á laugardagskvöldið eftir loðnuleitarferð. Að sögn Bjarna Aðalgeirssonar útgerðarmanns er loðnuleitinni ekki lokið en Björgin er á leiðinni á síld.

Fjölskyldustefna Húsavíkurbæjar var samþykkt á fundi bæjarstjórnar 21. júní s.l. Stefnan hefur nú verið gefin út í bæklingi sem dreift verður á öll heimili í sveitarfélaginu í þessari viku en það er fimmti flokkur drengja í knattspyrnu sem annast dreifinguna. Það er von stjórnenda sveitarfélagsins að íbúar kynni sér fjölskyldustefnuna vel og noti hana sem grundvöll að uppbyggilegri umræðu um þjónustu sveitarfélagsins. Stefnunni er ætlað að vera sveitarfélaginu hvatning til að búa vel að fjölskyldum í sveitarfélaginu.

Á dögunum gerðu Þekkingarsetur Þingeyinga í samstarfi við Framhaldsskólann á Húsavík skoðanakönnun meðal íbúa þeirra sjö sveitarfélaga sem tillaga er gerð um að kjósi um sameiningu þann 8. október n.k. Niðurstöðurnar eru um margt áhugaverðar, en sérstaka athygli vekur almennt hátt hlutfall þeirra sem ekki hafa tekið afstöðu eða neita að svara.

Árni Magnússon, félagsmálaráðherra mun mæta á fundinn um sameiningarkosningarnar sem haldinn verður á Húsavík n.k. sunnudagskvöld kl. 20.30. Allir, sem vetlingi geta valdið, hvattir til að mæta.

Eins og flestum er kunnugt var á dögunum dreift á öll heimili í sveitarfélaginu málefnaskrá samstarfsnefndar um sameiningu Skútustaðahrepps, Aðaldælahrepps, Húsavíkurbæjar, Tjörneshrepps, Kelduneshrepps, Öxarfjarðarhrepps og Raufarhafnarhrepps.

Þann 15. september síðastliðinn var haldinn fundur í foreldraráði Borgarhólsskóla. Hér fyrir neðan er hnappur inn á fundargerðina. Fundargerð

Fréttatilkynning.  Leiðbeiningar fyrir erlenda ríkisborgara í tengslum við atkvæðagreiðslur um sameiningu sveitarfélaga á íslensku, ensku, pólsku og serbnesku/króatísku.  Kosningaréttur erlendra ríkisborgara í atkvæðagreiðslum um sameiningu sveitarfélaga þann 8. október næstkomandi. 

Á fundi bæjarstjórnar í gær var málefnaskrá samstarfsnefndar um sameiningu Skútustaðahrepps, Aðaldælahrepps, Húsavíkurbæjar, Tjörneshrepps, Kelduneshrepps, Öxarfjarðarhrepps og Raufarhafnarhrepps til umræðu.