Fréttir

  Guðrún Gunnars syngur ljóð og lög eftir Cornelis Vreeswijk á tónleikum í Hvalasafninu á Húsavík fimmtudaginn 23. júlí kl 21:00 í tilefni Sænskra menningardaga

Skrifstofur Norðurþings og Orkuveitu Húsavíkur eru lokaðar frá og með 27. júlí til og með 7. ágúst vegna sumarleyfa. Í neyðartilfellum í tengslum við barnavernd er hægt að hafa samband í síma hjá Félagsþjónustu: 8644130 milli kl. 8:00 og 16:00 virka daga á meðan lokun stendur.  Bent er á lögreglu utan skrifstofutíma. Bilanasími OH er 4640909

Hljómsveitin amiina, í samstarfi við Kraum tónlistarsjóð heldur ferna tónleika við sjávarsíðuna í lok júlí. Spilað verður í tveimur vitum, hvalasafni og Bláu kirkjunni á Seyðisfirði. Tónleikadagskráin verður aðlöguð að umhverfinu; stutt efnisskrá með sérsniðnum útsetningum sem hæfa umgjörðinni, í mikilli nánd við sjóinn sem og áheyrendur. Aðgangur er ókeypis.  

Nú á mánudaginn hefjast Sænskir dagar á Húsavík og stendur til fimmtudags. Hátíðin er sett með athöfn kl. 17.00 í Barðahúsinu og eru allir velkomnir. Garðar Cortes og Robert Sund munu flytja nokkur lög. Á dagskrá Sænskudaga eru m.a. tónleikar með Garðar Cortes og Robert Sund. Guðrún Gunnarsdóttir syngur ljóð og lög eftir Corenelis Wreeswijk í íslenskum búningi Aðalsteins Ásbergs Sigurðssonar. 

Einn af framsæknustu leikurum Íslands, Kristján Ingimarsson sýnir einleik sinn MIKE ATTACK í Samkomuhúsinu á Húsavík þriðjud. 14. júlí kl. 20:00. Mike attack er geðbilað gamanleikrit án orða, Kristján notar líkamann til að túlka það sem fram fer! Getur míkrófónn fengið fullnægingu??? Já!! Maður rennir honum bara fram og til baka á statífinu og þá skríkir hann af hjartans lyst! Miðaverð aðeins 2.000 kr., greiðist við innganginn, ath. tökum ekki við kortum. Sýningin hefst kl. 20:00. Heimasíða Kristjáns er http://www.neander.dk/  

  Tilkynning.  Gróðursetningarverkefnið sem sveitarfélagið Norðurþing stofnaði  til í sumar í samvinnu við Vinnumálastofnun og Framsýn lýkur föstudaginn 24. júlí 2009. Einnig hefur verið unnið að illgresiseyðingu og stefnt er að vinnu við stígagerð. Öllum þeim sem tóku þátt er þökkuð þátttaka.                   Sveinn Hreinsson

Húsvíski vefmiðillinn 640.is gerði á dögunum óformlega skoðunarkönnun um ferðamáta lesenda sinna til vinnu sinnar.  Þar kom í ljós að um helmingur þeirra notar bílinn og hinn helmingurinn gengur eða hjólar. Í framhaldi af því leggur 640.is til að lesendur þeirra hafi bíllausan dag á Húsvík á morgun, fimmtudaginn 2. júlí og hvetur fólk til að ganga eða hjóla í vinnuna.

Framkvæmdastjóri KEA, Halldór Jóhannsson og Sveinn Aðalsteinsson, framkvæmdastjóri Íþróttafélagsins Völsungs á Húsavík, hafa undirritað samstarfssamning sem tekur til allra deilda Völsungs.  Þetta er annað árið í röð sem KEA  gerir ítarlegan heildarsamning sem tekur til allra deilda félagsins.

Hestamannamót Feykis og Grana verður haldið laugardaginn 27. júní næstkomandi á félagssvæði Feykis í Eyjadal. Keppnin hefst kl. 10:00 og er fyrirhuguð dagskrá eftirfarandi: B-flokkur, A-flokkur, Unglingaflokkur, Barnaflokkur, Tölt - forkeppni, Öldungaflokkur, Þrautabraut 1. hluti, Úrslit riðin (að tölti undanskildu), Skeið, Kappreiðar, Þrautabraut 2. hluti.

Vegna vinnu Landsnets á Húsavíkurlínu verður rafmagnslaust á Húsavík í nótt. Áætlað straumleysi verður frá miðnætti og lýkur kl. 06:00 þriðjudaginn 23. júní.

Drög að aðalskipulagi fyrir Húsavík  voru kynnt á opnum fundi í Borgarhólsskóla 11. júní sl. Vinna við aðalskipulag Norðurþings í heild sinni var einnig kynnt og dregnar fram áherslur sem varða Reykjahverfið, en í febrúar sl. var fundur í Skúlagarði þar sem fjallað var um aðra hluta dreifbýlisins.  

Menningar- og fræðslunefnd Norðurþings auglýsir eftir framkvæmdaraðila/aðilum að sumartónleikum 2009. Tónleikarnir eru styrktir af Lista- og menningarsjóði Norðurþings.  Frábært tækifæri fyrir hæfileikaríka einstaklinga.