Fréttir

Foreldrafræðsla verður haldin í eftirfarandi grunnskólum í marsmánuði. Um er að ræða tvo fyrirlestra í hverjum skóla ásamt umræðum. Sigríður Jónsdóttir yfirhjúkrunarfræðingu heilsugæslu FÞ og Freydís Jóna Freysteinsdóttir félagsmálastjóri FN munu fjalla um Samskipti barna og foreldra.  Auk þess munu þau Jóhann Rúnar Pálsson æskulýðsfulltrúi Norðurþings, Guðlaug Gísladóttir æskulýðsfulltrúi Þingeyjarsveitar og Halldóra Gunnarsdóttir æskulýðs- og menningarfulltrúi Langanesbyggðar fjalla um Tómstundir barna. Nánari upplýsingar um staðsetningu og dagsetningar foreldrafræðslunnar má sjá hér að neðan:

29. fundur sveitarstjórnar Norðurþings verður haldinn í stjórnsýsluhúsi Norðurþings, þriðjudaginn 3. mars og hefst fundurinn kl. 16:00. Dagskrá fundarins

Öskudagsball verður haldið í Íþróttahöllinni 25. febrúar kl. 17:00-19:00. Kötturinn sleginn úr tunnunni, leikir og dans. Veitingasala verður á staðnum.

Æskulýðsnefnd Norðurþings auglýsir eftir umsóknum um styrki úr Afreks- og viðurkenningarsjóði Norðurþings. Reglur um Afreks- og viðurkenningarsjóð Norðurþings ásamt umsóknareyðublöðum má nálgast á heimasíðu Norðurþings eða á skrifstofu Norðurþings á Húsavík.  

Fundinum ,,Aðgerðir og áherslur fyrir ferðaþjónustu á Norðausturlandi", sem halda átti á Hótel Norðuljósum þriðjudaginn 24. febrúar, hefur verið frestað til fimmtudagsins 26. febrúar kl. 10:00 á Hótel Norðurljósum. Gera má ráð fyrir að fundurinn taki u.þ.b. tvær og hálfa klukkustund.

Næsti fundur sveitarstjórnar Norðurþings verður haldinn þriðjudaginn 3. mars í Stjórnsýsluhúsinu á Húsavík. Fundurinn hefst kl. 16:00 Dagskrá fundarins verður birt síðar á heimasíðu Norðurþings, nordurthing.is

Menningar- og fræðslunefnd Norðurþings auglýsir eftir umsóknum um styrki til lista- og menningarmála. Styrkirnir eru veittir samkvæmt skipulagsskrá Lista- og menningarsjóðs Norðurþings og reglum um úthlutun úr sjóðnum. Úthlutun úr sjóðnum fer fram tvisvar á ári, í mars og október. Skipulagsskrá Lista- og menningarsjóðs  ásamt reglum um úthlutun úr sjóðnum má nálgast á heimasíðu Norðurþings.

Undanfarið hafa atvinnuleitendur komið saman á Þekkingarsetri Þingeyinga, alla þriðjudaga, miðvikudaga og föstudaga frá kl. 10:00 - 12:00. Ýmislegt er þar í boði fyrir atvinnuleitendur.  Nefna má að fulltrúar Framsýnar hafa farið yfir rettindamál með atvinnuleitendum og starfsfólk Þekkingarsetursins hefur kynnt námsframboð og ráðgjöf sem er í boði.

Atvinnuþróunarfélag Þingeyinga ásamt teymi sérfræðinga hefur á síðustu mánuðum unnið að stefnumótunaráætlun fyrir ferðaþjónustu til næstu fimm ára.   Áætlunin inniheldur: Úttekt á auðlindum svæðisins Aðgerðaráætlun sem á að auka samkeppnishæfni svæðisins og gera það að eftirsóknarverðum áfangastað fyrir ferðamenn. Hagsmunaaðilum og öðrum áhugasömum um ferðamál er boðið til kynningar- og umræðufunda þar sem framtíðarsýn og aðgerðaráætlunin verður kynnt og borin undir fundargesti.

Í yfirstandandi aðalskipulagsvinnu fyrir Norðurþing hefur verið lögð sérstök áhersla á greiningu og stefnumörkun um landslag - í ljósi fjölbreytni þess, verðmætis og þýðingar fyrir búsetuskilyrði og ferðaþjónustu í Norðurþingi. Nú liggja fyrir drög að flokkun á landslagi í Norðurþingi sem lýsir eftirfarandi atriðum.

Fyrirlestur um íslenska torfbæjararfinn verður haldinn í Safnahúsinu á Húsavík, fimmtudaginn 19. febrúar kl. 20:00. Fyrirlesari er Hannes Lárusson en hann er staðarhaldari Íslenska bæjarins að Austur-Meðalholtum í Flóa þar sem verið er að koma á laggirnar stofnun sem hefur það markmið að rannsaka og sýna samhengið, verkmenninguna og fagurfræðina í íslenskum torfbæjararfi.

Aðalskipulag fyrir Norðurþing er í vinnslu undir umsjón skipulags- og byggingarnefndar og liggur nú fyrir áfangaskýrsla 1 sem inniheldur drög að meginforsendum og framtíðarsýn aðalskipulagsins. Drögin eru birt hér til kynningar fyrir almenningi. Í skýrslunni er fjallað um þær forsendur sem liggja til grundvallar skipulagsvinnunni og sett fram drög að framtíðarsýn og meginmarkmiðum ásamt því að skilgreina hvaða málaflokka og viðfangsefni aðalskipulagið muni fjalla um. Skýrslan sýnir einnig uppbyggingu aðalskipulagsins.