Fréttir

Á fundi sveitarstjórnar Norðurþings 25. nóvember sl. var kynnt tillaga að stefnu og skipulagsramma fyrir miðbæ Húsavíkur sem ráðgjafarfyrirtækið Alta hefur unnið í samstarfi við skipulags- og byggingarnefnd.

Opnunartími Sundlaugar Húsavíkur um jól og áramót verður sem hér segir: AÐFANGADAGUR 24/12 10:00 - 12:30 JÓLADAGUR 25/12 Lokað ANNAR Í JÓLUM 26/12 10:00 - 13:00 Laugardagur 27/12 10:00 - 17:00 Sunnudagur 28/12 10:00 - 17:00 GAMLÁRSDAGUR 31/12 10:00 - 15:00 NÝÁRSDAGUR 1/1 LOKAÐ Aðra daga er opið eins og venjulega. Forstöðumaður

Fólki sem misst hefur vinnu sína er boðið að koma saman í Geðræktarmiðstöðinni Setrinu, Árgötu 12, 640 Húsavík, þriðjudaga, miðvikudaga og föstudaga milli kl. 10 og 12 í kaffi og spjall.  Markmiðið er að rjúfa félagslega einangrun, viðhalda virkni og fyrirbyggja slæmar afleiðingar sem atvinnuleysi getur mögulega haft í för með sér.

Laugardaginn 29. nóvember verður haldinn menningardagur á Kópaskeri.  Dagskráin fer fram í íþróttahúsinu og veður húsið opnað kl. 13:00 en dagskráin hefst kl. 13:30. Meðal efnis á dagskránni er ávarp sveitarstjóra, tónlistaratriði, afhending hvatningarverðlauna og bingó svo eitthvað sé nefnt.

Tendrað veðrur á ljósunum á jólatrénu á Húsavík föstudaginn 28. nóvember n.k. Dagskráin hefst kl. 18:00 og verður að venju margt á henni.  Má þar nefna að poppkór úr Borgarhólsskóla syngur jólalög undir stjórn Lisu McMaster, sveitarstjóri Norðurþings, Bergur Elías Ágústsson, flytur ávarp, séra Sighvatur Karlsson flytur hugvekju og að sjálfssögðu mæta jólasveinar á staðinn með óvæntan glaðning. Að auki verður Soroptimistaklúbburinn með kleinu- og kakósölu. Það er sunddeild Völsungs sem hefur veg og vanda að dagskránni.

26. fundur sveitarstjórnar Norðurþings verður haldinn í stjórnsýsluhúsi Norðurþings, þriðjudaginn 25. nóvember og hefst kl. 16:00. Nánar um dagskrá fundarins hér að neðan.

Mánudaginn 17. nóvember var haldinn fundur í tengslum við efnahagshrunið og ástandið sem skapast hefur í samfélaginu á vegum Félagsþjónustu Norðurþings, Rauða Krossi Íslands, Þekkingarsetri Þingeyinga og Stéttarfélagsins Framsýnar.  Ýmsir aðilar voru boðaðir á fundinn og má þar nefna atvinnuráðgjafa, presta, æskulýðs-og forvarnarfulltrúa, lögreglu, heilbrigðisþjónustu, Vinnumálastofnun, skólameistara framhaldsskólanna, menningar-og fræðslufulltrúa, sveitarstjóra og bankastjóra. 

Sveitarstjórnarfundur verður haldinn þriðjudaginn 25. nóvember kl. 16:00 í Stjórnsýsluhúsinu. Dagskrá fundarins verður birt hér á heimasíðu Norðurþings eftir hádegi þann 21. nóvember n.k.

Nýlega er lokið við að setja upp ný leiktæki við grunnskólann á Kópaskeri og grunnskólann í Lundi. Bætir þetta leikaðstöðu krakkanna til muna þó að náttúran sjálf skaffi yfirleitt bestu leiktækin. Uppsetning leiktækjanna var í höndum Vals ehf. ásamt verktökum á staðnum og starfsmönnum sveitarfélagsins.

Fiskistofa auglýsir nú eftir umsóknum um byggðakvóta til fiskiskipa fyrir Norðurþing (Húsavík, Kópasker og Raufarhöfn). Um úthlutunarreglur vísast til reglugerðar nr. 605, 24. júní 2008 auk sérstakra úthlutunarreglna sbr. auglýsingu nr. 1029/2008 í Stjórnartíðindum. Þessar reglur er einnig að finna á heimasíðu Fiskistofu, www.fiskistofa.is Umsóknum skal skilað til Fiskistofu á eyðublaði sem er að finna á heimasíðu stofnunarinnar. Umsóknarfrestur er til og með 25. nóvember 2008. Eyðublaðið má finna hér.

Námskeið á vegum Útflutningsráðs um áætlanagerð og verðlagningu útflutningsvöru og þjónustu í samvinnu við KPMG og Atvinnuþróunarfélag Þingeyinga hf.  Námskeiðið verður haldið á Gamla Bauk á Húsavík fimmtudaginn 13. nóvember kl. 13-17.

Við viljum minna á að á Félagsþjónustu Norðurþings er veitt félagsleg ráðgjöf.  Markmið félagslegrar ráðgjafar er að veita upplýsingar og leiðbeiningar um félagsleg réttindamál annars vegar og að veita stuðning vegna félagslegs og persónulegs vanda hins vegar.  Félagsleg ráðgjöf tekur m.a. til ráðgjafar á sviði fjármála, húsnæðismála og fjölskyldu-og uppeldismála.  Markmiðið með félagslegri ráðgjöf er að hver einstaklingur geti notið sín sem best í samfélaginu og að hjálpa fólki til sjálfshjálpar. Nánari upplýsingar er að finna á vef Félagsþjónustunnar - http://felagsthjonusta.nordurthing.is