Fréttir

Hluti af verklegum framkvæmdum sumarsins var malbikun og frágangur á efri hluta Höfðavegar. Hann hefur nú fengið á sig nýja og betri mynd þar sem bundið slitlag, graseyjar og bílastæði setja sinn svip á heildarmyndina.

Þriðjudaginn 10. ágúst 2004 kl. 11:00 voru opnuð tilboð í verkið "Húsavík - Bökugarður, stálþil." Tilboð voru opnuð á skrifstofu Siglingastofnunar, Vesturvör 2, Kópavogi og á skrifstofu Húsavíkurbæjar, Ketilsbraut 7-9, Húsavík. Alls bárust þrjú tilboð í verkið.

Nú um helgina var auglýst eftir tilboðum í byggingu stálþilsbryggju við Bökugarð.  Tilboð verða opnuð þriðjudaginn 10. ágúst n.k. en verkinu skal lokið eigi síðar en 31. des. n.k.

Nú stendur yfir vinna í Orkustöð við að koma nýju túrbínunni niður í stað þeirrar "gömlu". Töluverðar breytingar þarf að gera á lögnum og fleiri kerfishlutum samhliða túrbínuskiptunum. Stefnt er á gangsetningu aftur í lok júlí.

Aðalfundur Greiðrar leiðar ehf. - undirbúningsfélags vegna Vaðlaheiðarganga var haldinn á Akureyri 28. júní s.l. Fram kom að KEA er tilbúið að leggja allt að 100 milljónir króna í framkvæmdafélag vegna fyrirhugaðra Vaðlaheiðarganga. Stjórn Greiðrar leiðar ehf. var endurkjörin.

Skv. ákvæðum hafnarlaga nr. 61/2003 eru gjaldskrárákvarðnir í höndum einstakra hafnarstjórna frá og með 1. júlí n.k. Hafnarnefnd Húsavíkurbæjar hefur ákveðið að frá og með 1. júlí gildi gjaldskrá fyrir hafnir nr. 398/2003 sem almennur hluti gjaldskrár Húasvíkurhafnar.

Fulltrúar Þingeyjarsveitar, Orkuveitu Húsavíkur, Norðurorku og Orkuveitu Reykjavíkur, hafa undirritað viljayfirlýsingu um samsatarf um virkjun Skjálfandafljóts við Hrafnabjörg í Bárðardal.

Þann 15. maí sl. opnaði félagsmálaráðherra fjölskylduvefinn fjolskylda.is.Tilgangurinn með vefnum er að auðvelda aðgengi almennings að upplýsingum á Netinu um málefni fjölskyldunnar.

Vegagerðin hefur sett upp langþráð bæjarmerki Húsavíkurbæjar við bæjarmörkin. Meðfylgjandi mynd er tekin við mörk Húsavíkurbæjar og Tjörneshrepps við Reiðará.

Starfsmenn Norðurvíkur hafa undanfarna daga unnið að endurnýjun þakjárns á eldri byggingu sundlaugarinnar. Vekinu miðar vel. Í ljós kom nokkur fúi í þakinu og þurfti að skipta um sperrur og borðaklæðningu á um 10 -15 m2 svæði. Verklok eru áformuð 11. júní nk.

Framkvæmdir við nýja götu, Lyngholt á Húsavík hófust 28. maí. Við þann hluta götunnar sem nú er unnið að eru 3 einbýlishúsalóðir, ein parhúsalóð og ein raðhúsalóð.