Fréttir

Ráðist hefur verið í umfangsmiklar breytingar í sláturhúsi Norðlenska á Húsavík. Framkvæmdir við endurnýjun á gólfi á sláturlínu eru hafnar. Til stendur að endurnýja gólfið samkvæmt nýjustu stöðlum og meðal annars verður nýtt kvarsgólfefni lagt á gólfin og vel upp á veggi. Í tengslum við þetta verður skipt um verulegan hluta af pípulögnum á sláturlínunni. Aðgerðir þessar eru til þessa að viðhalda útflutningsleyfi á sláturhúsinu á Húsavík.   Fréttin er af local.is

Þessa dagana eru ársskýrslur stofnana Húsavíkurbæjar að birtast hér á heimasíðunni. Bæjaryfirvöld ákváðu að í þetta sinn birtust ársskýrslurnar einungis á heimasíðunni en yrðu ekki prentaðar í hefti. Um dreifingu í hvert hús í Húsavíkurbæ verður því ekki að ræða að þessu sinni. Ársskýrslur stofnana er að finna undir flipanum "Upplýsingar" Líf og fjör í Skálamelnum

Athygli er vakin á því að Fjárhagsáætlun ársins 2004 og rekstrar - og framkvæmdaáætlun fyrir árin 2005 - 2007 er komin á heimasíðuna undir flipanum "Upplýsingar"

Á dögunum samþykkti bæjarstjórn jafnréttisáætlun fyrir Húsavíkurbæ fyrir árin 2003-2006 sem m.a. hefur verið gerð ágæt grein fyrir í fjölmiðlum. Vegna þeirrar umfjöllunar er rétt að upplýsa að stjórnkerfi bæjarins byggir á bæjarráði og fjórum fastanefndum sem kosið er í af bæjarstjórn. Í bæjarráði eiga sæti þrír karlar og engin kona, í framkæmdanefnd eiga sæti fjórir karlar og ein kona, í fræðslunefnd eiga sæti fjórar konur og einn karl, í hafnarnefnd eiga sæti fimm karlar og engin kona og í tómstundanefnd eiga sæti þrjár konur og tveir karlar. Þannig eru karlar í meirihluta í tveimur af fjórum fastanefndum og konur í hinum tveimur. Hægt er að skoða skipan nefndanna nánar undir tenglinum “Stjórnkerfið > Nefndir og ráð” hér á síðunni. Nefndarmenn framtíðarinnar

Félagsmálaráðuneytið hefur tekið upp rafræna móttöku fjárhagsáætlana sveitarfélaga. Tilgangurinn er að auðvelda upplýsingaöflun og markvissa vinnslu upplýsinga úr þeim og miðla til sveitarfélaganna og annarra aðila.     Í þessu eins og mörgu öðru eru menn misfljótir að tileinka sér nýjungar, þannig hafa aðeins tíu sveitarfélög enn sem komið er skilað upplýsingunum á þessu rafræna formi. Meðal þeirra eru Húsavíkurbær, Aðaldælahreppur og Þingeyjarsveit sem saman standa að byggðaverkefni um rafrænt samfélag undir nafninu “Skjálfandi í faðmi þekkingar – rafrænt samfélag við Skjálfanda”.  

Þann 23. september 2004 samþykkti Tómstunanefnd Húsavíkurbæjar nýja Jafnréttisáætlun fyrir Húsavíkurbæ. Áætlunin hlaut staðfestingu Bæjarsjórnar Húsavíkurbæjar 20. janúar 2004. Gildistími er til loka árs 2006. Áætlunina í heild er að finna hér á síðunni undir " Samþykktir"

Þann 15.janúar s.l. samþykkti bæjarráð Húsavíkurbæjar nýjar reglur um ritun, form og varðveislu fundargerða hjá Húsavíkurbæ. Helstu breytingarnar eru þær að nú er heimilt að rita fundargerðir í tölvu, þó skal fært til gerðabókar númer fundar, hvar og hvenær fundur er haldinn og þess getið að fundargerðin sé tölvuskráð. Bæjarstjórn staðfesti samþykkt bæjarráðs, þann 20. janúiar 2004.

STALLAR:                                                      SKÁLAMELUR:  Virkir dagar              16:00 – 19:00                    Virkir dagar               14:00 – 18:30 Föstudaga til                         21:00 (lokað mánudaga)                                      (þriðjud. og fimmtud.)        14:00 – 20:45 Helgar                       13:00 – 17:00             Helgar                              11:00 – 17:00  Sími í Stöllum : 464-1912                              Sími í Skálamel: 464-1873  Opnunartímar eru háðir veðurfarslegum aðstæðum.                              Skíðaráð Völsungs og Húsavíkurbær.

Á fundi bæjarráðs 15. jan. s.l. var tekið fyrir erindi Sambands íslenska sparisjóða þar sem farið er fram á stuðning sveitarfélagsins við sparisjóðina í þeirri baráttu að tryggja áframhaldandi starfsgrundvöll þeirra. Samþykkti bæjarráð eftirfarndi bókun um málið:

Á fundi Skipulags – og byggingarnefndar þann 13. janúar var ákveðið að stofna vinnuhóp vegna undirbúnings íbúaþings í  Húsavíkurbæ sem áætlað er að halda í lok febrúar n.k. Íbúaþingið er haldið skv. ákvörðun bæjarstjórnar að tillögu skipulags- og byggingarnefndar.  

Árið 2003 samþykkti Tómstundanefnd Húsavíkurbæjar að heiðra þá einstaklinga og félög í Húsavíkurbæ sem næðu að vinna Íslandsmeistaratitil það ár. Í lok árs kom í ljós að mjög margir höfðu unnið það afrek. Meistaraflokkur ÍF Völsungs í knattspyrnu varð Íslandsmeistari í 2.deild og leika því í 1. deild árið 2004. Sami flokkur varð einnig Íslandsmeistari í 1.deild í innanhúss knattspyrnu.  Þá varð 2. flokkur í knattspyrnu Íslandsmeistari. Frjálsíþróttadeild Völsungs eignaðist fjóra Íslandsmeistara á árinu en fimm titla.  Bridgefélag Húsavíkur eignaðist Íslandsmeistara í tvímenningi, yngri spilara og Mótorsportklúbbur Húsavíkur eignaðist Íslandsmeistara í snowcrossi, unglinga. Framtíðarafreksmenn ?