Fréttir

Í dag fór fram afhending verðlauna til sigurvegara í ljósmyndasamkeppni Norðurþings 2010.  Ljósmyndasamkeppninni var hleypt af stokkunum í tengslum við hönnun á nýjum vef sveitarfélagsins sem ráðgert er að verði opnaður í byrjun næsta mánaðar. Alls bárust 182 myndir í keppnina frá 20 þátttakendum.  Úrslit urðu sem hér segir:

Um komandi helgi, 5. - 7. nóvember, verður haldin vegopnunarhátíðin Núna fer á norður! á Þórshöfn, til að fagna opnun Hófaskarðsleiðar.  Margt skemmtilegt verður á seyði; konukvöld, stærðarinnar jólamarkaður, smalahundakeppni, tónleikar, héraðsmót í knattspyrnu, formleg borðaklipping í Hófaskarðinu og fleira. Nánar um dagskránna á vef Langanesbyggðar

Auglýst er eftir leikskólakennurum/leiðbeinendum til starfa við leikskólann Grænuvelli á Húsavík.  Um er að ræða tvær 100% stöður. Leitað er eftir áhugasömum, bjartsýnum og jákvæðum einstaklingum sem eru tilbúnir að starfa með okkur af fagmennsku og áhuga.  Upplýsingar gefur Guðrún H. Jóhannsdóttir leikskólakennari í síma 464-6157.  Einnig má senda fyrirspurnir á Guðrúnu á netfangið ghj@nordurthing.is. Umsóknarfrestur er til 22. nóvember 2010.

Fréttastofa RÚV auglýsir starf frétta- og myndatökumanns (video-journalist) á Húsavík laust til umsóknar. Ráðningarfyrirkomulag  og starfshlutfall er samkomulagsatriði.  Helstu verkefni: Afla, skrifa og flytja fréttir og fréttaskýringar í fréttatímum útvarps og sjónvarps og í Landanum Myndataka og klipping • Vinnsla frétta fyrir vefinn  

Sveitarstjórn Norðurþings átti fund með þingmönnum kjördæmisins í svokallaðri kjördæmaviku. En í þeirri viku fara þingmenn um sitt kjördæmi og ræða m.a.  við sveitarstjórnir um mikilvæg mál heima í héraði. Fundurinn í ár var að flestra mati mjög góður og áttu sér stað hreinskiptar umræður um stöðu mála í Norðurþingi. Mæting var góð, 9 af 10 þingmönnum sáu sér fært að mæta á fundinn.  

Samtök atvinnulífsins efna til opins fundar um stöðu atvinnumála og vinnumarkaðinn fimmtudaginn 11. nóvember á Húsavík. Fundurinn fer fram á Veitingahúsinu Sölku kl. 12-14 og verður boðið upp á léttan hádegisverð. Vilmundur Jósefsson, formaður SA og Vilhjálmur Egilsson, framkvæmdastjóri SA, munu ræða um stöðuna í atvinnulífinu, komandi kjarasamninga og svara fyrirspurnum. Stjórnendur og forsvarsmenn fyrirtækja, stórra sem smárra, eru hvattir til að mæta og taka þátt ásamt öllu áhugafólki um uppbyggingu atvinnulífsins. Fundurinn eru öllum opinn en nauðsynlegt er að skrá þátttöku á vef SA hér að neðan: Skrá þátttöku hér

Laugardaginn 6 nóvember fer fram formleg opnun Hófaskarðsleiðar. Samgönguráðherra ásamt þingmönnum kjördæmisins verða viðstaddir vígsluna sem fram fer kl. 11:00 við áningastað í Hófaskarði. Kl. 12:30 verður boðið til kaffisamsætis í Félagsheimilinu Hnitbjörgum á Raufarhöfn í boði Norðurþings, Svalbarðshrepps, Langanesbyggðar og Vegagerðarinnar og eru íbúar svæðisins hvattir til að mæta og eiga ánægjulega stund saman. Bergur Elías Ágústsson, sveitarstjóri Norðurþings    

Það eru fleiri en Íslendingar sem fylgjast vel með sínu fólki á erlendri grundu. Við rákumst á þessa frétt inni á síðu DR sem kallast P1. Byen Húsavík i det nordlige Island kalder sig selv ”Europas Hvalsafari-hovedstad”. Natursyn er på hvalsafari i Skjálfandi-bugten ud for Húsavík sammen med den danske hvalforsker Marianne Rasmussen, som bor og arbejder i Húsavík. Til að sjá fréttina í heild sinni smellið á þessa slóð; http://www.dr.dk/P1/Natursyn/Udsendelser/2010/10/22142349.htm

Þjóð til þings                                                               15. október 2010  Borgarafundur á Akureyri  20. október um endurskoðun stjórnarskrárinnar  Stjórnlaganefnd og EYÞING halda borgarafund í Menningarhúsinu Hofi miðvikudaginn 20. október frá klukkan 20-22. Fundurinn er kynningafundur um stjórnlagaþing og Þjóðfund 2010 auk þess sem kallað er eftir sjónarmiðum íbúa.Njörður P. Njarðvík og Björg Thorarensen úr stjórnlaganefnd halda erindi og svara spurningumfrá þátttakendum.   Smellið hér til að sjá frétt í heild sinni

Öxarfjarðarskóli, Píramus og Þispa - leikfélag Framhaldsskólans á Húsavík, Borgarhólsskóli á Húsavík eru þátttakendur í stóru leiklistarverkefni sem nefnist Þjóðleikur en verkefnið nær til alls Norðurlands, allt frá Bakkafirði til Húnavatnssýslna. Mjög góð þátttaka er á Norðurlandi en nú hafa 14 hópar sótt um þátttöku í verkefninu. 

-Niðurskurður á fjárveitingum til Heilbrigðisstofnunar Þingeyinga- Borgarafundur í Íþróttahöllinni á Húsavík fimmtudaginn 7. október kl. 17:00 Samkvæmt fjárlögum stendur til að skerða fjárveitingar til Heilbrigðisstofnunar Þingeyinga um ríflega 40%.  Gangi þetta eftir þá verður 60 til 70 starfsmönnum sagt upp störfum og öryggi íbúa Þingeyjarsýslna ógnað. Heilbrigðisráðherra, Fjármálaráðherra ásamt þingmönnum kjördæmisins voru boðaðir til fundarins. Ljóst er að ef af þessu verður er um gríðarlega mikið áfall að ræða fyrir samfélögin í Þingeyjarsýslum sem felur í sér aukið atvinnuleysi, skert búsetuskilyrði og fólksfækkun.  Í ljósi alvarleika stöðunnar er boðað til borgarafundarins. Sýnum stuðning í verki, mætum og látum skoðun okkar í ljós.  Við getum ekki né eigum, að sætta okkur við önnur lífsskilyrði  en þau sem felast í samtryggingu þjóðarinnar. Sveitarfélögin í Þingeyjarsýslum

Menningar- og fræðslunefnd Norðurþings auglýsir eftir umsóknum um styrki til lista- og menningarmála. Styrkirnir eru veittir samkvæmt skipulagsskrá Lista- og menningarsjóðs Norðurþings og reglum um úthlutun úr sjóðnum.