Áætlanir vegna ársins 2025- 2028

Byggðarráð samþykkir fyrirliggjandi áætlun.

Lagt fram til kynningar.

Á næsta fundi ráðsins verður farið yfir drög að fjárhagsrömmum sviða og stofnana Norðurþings vegna ársins 2025. Stefnt er á að úthluta römmum til sviða og stofnana á fundi ráðsins þann 3.október nk.

Fjármálastjóri fór yfir drög að fjárhagsrömmum sviða og stofnana vegna ársins 2025. Römmunum verður úthlutað á næsta fundi byggðarráðs þann 3. október nk.

Byggðarráð samþykkir framlagða fjárhagsramma vegna fjárhagsáætlunar 2025 og vísar þeim til umfjöllunar annars vegar í fjölskylduráði og hins vegar í skipulags og framkvæmdaráði. Markmið byggðarráðs er að stuðla að aukinni sjálfbærni í rekstri sveitarfélagsins og stuðla að góðri hagstjórn og ábyrgri fjármálastjórn.

Fjölskylduráð mun halda áfram vinnu við fjárhagsáætlun á næstu fundum og felur sviðsstjóra, íþrótta- og tómstundafulltrúa, fjömenningarfulltrúa og félagsmálastjóra að hefja undirbúning sinna málaflokka.

Skipulags- og framkvæmdaráð mun halda áfram vinnu við fjárhagsáætlun á næstum fundum og felur sviðsstjóra og skipulags- og byggingarfulltrúa að hefja undirbúning sinna málaflokka á grundvelli fyrirliggjandi fjárhagsramma.

Fjölskylduráð heldur áfram vinnu við áætlanir velferðarsviðs á næsta fundi.

Skipulags- og framkvæmdaráð samþykkir fyrirliggjandi fjárhagsáætlun og vísar henni til umfjöllunar í byggðarráði.

Lagt fram til kynningar.

Fjölskylduráð mun áfram vinna að fjárhagsáætlun velferðarsviðs á næstu fundum. Ráðið vísar áætluninni til umfjöllunar í byggðarráði.

Byggðarráð vísar fjárhagsáætlun vegna ársins 2025 og þriggja ára þar á eftir til fyrri umræðu í sveitarstjórn.

Til máls tók: Katrín.


Sveitarstjórn samþykkir samhljóða að vísa fjárhagsáætlun fyrir árið 2025 til síðari umræðu.


Sveitarstjórn samþykkir samhljóða að vísa þriggja ára áætlun fyrir árin 2026-2028 til síðari umræðu.

Fjölskylduráð óskar eftir því við byggðarráð að rammi félagsþjónustu verði tekinn niður um 6 m.kr. og fjármagnið fært yfir á menningarsvið, þar af verði 2 m.kr. ráðstafað vegna fjölmenningarmála.

Byggðarráð heldur áfram umfjöllun sinni um fjárhagsáætlun vegna ársins 2025 og þriggja ára þar á eftir á næstu fundum sínum.

Fjölskylduráð óskar eftir við byggðaráð að rammi fræðslusviðs verði hækkaður um 22.5 m.kr. meðal annars vegna lækkunar á tekjum og aukins rekstrarkostnaðar.

Byggðarráð samþykkir ósk fjölskylduráðs um að taka niður fjárhagsramma félagsþjónustu um 6.000.000 kr. og færa yfir á fjárhagsramma menningarsviðs.

Fjölskylduráð vísar áætlunum til byggðaráðs til staðfestingar.

Byggðarráð samþykkir áorðnar breytingar og vísar fjárhagsáætlun ársins 2025 og þriggja ára áætlun 2026-2028 til síðari umræðu í sveitarstjórn.

Til máls tóku: Katrín, Hafrún, Benóný, Hjálmar, Ingibjörg, Áki og Helena.

Meirihluti sveitarstjórnar leggur fram eftirfarandi bókun:
Fjárhagsáætlun ársins 2025 og þriggja ára áætlun eru hér lagðar fram í aðstæðum þar sem horfur í efnahags- og kjaramálum eru betri en þær voru á sama tíma í fyrra. Verðbólga og vextir eru farin að lækka en töluverð óvissa ríkir enn í kjaramálum einstakra félaga. Í áætluninni er lögð áhersla á aðhald í rekstri, eflingu grunnþjónustu og forgangsröðun í þágu yngstu íbúa sveitarfélagsins. Áætlunin stenst lagaleg viðmið um afkomu og fjárhagsstöðu samkvæmt sveitarstjórnarlögum þrátt fyrir töluverða aukningu fjármuna í verklegar framkvæmdir.
Skuldahlutfallið samkvæmt ársreikningi 2023 var 120,7% og útkomuspá fyrir árið 2024 gerir ráð fyrir að skuldahlutfallið verði 125% og samkvæmt áætlun 2025 er gert ráð fyrir því að það verði 123,1%. Skuldaviðmið nemur 65,7% í áætlun 2025. Alþingi hefur samþykkt að víkja þessum reglum til hliðar tímabundið til ársins 2026, ekki reynir á þessa undanþágu hjá Norðurþingi.
Gert er ráð fyrir að veltufé frá rekstri verði 666 m.kr. hjá A-hluta og 986 m.kr. í samstæðunni. Veltufé frá rekstri í samstæðu er því áætlað 14,53% samanborið við 13,83% samkvæmt áætlun 2024. Gert er ráð fyrir að laun og launatengd gjöld í hlutfalli af tekjum nemi 53,5% í samstæðu og 60,6% í A-hluta.
Ljóst er að sveitarstjórn hefur metnaðarfull áform um framkvæmdir á næstu árum en þar ber helst að nefna viðbyggingu við Borgarhólsskóla sem hýsa mun frístund og félagsmiðstöð ásamt uppbyggingu á stúku og nýtt gervigras á Húsavíkurvöll. Framkvæmdir á iðnaðarsvæðinu á Höfða og Röndinni á Kópaskeri styðja við frekari atvinnustarfssemi í sveitarfélaginu. Ýmis smærri verkefni eru á framkvæmdaáætlun og áhersla er á að ljúka þeim verkum sem hafin eru. Einnig má nefna að unnið hefur verið að skipulagi um þéttingu byggðar í suðurbæ Húsavíkur sem fjölgar hagstæðum íbúðarlóðum verulega á næstu árum. Unnið verður áfram við gerð aðalskipulags Norðurþings.
Undirrituð þakka starfsfólki Norðurþings fyrir góða vinnu við gerð fjárhagsáætlunar og fulltrúum allra stjórnmálaflokka fyrir samstarfið á meðan vinnslu fjárhagsáætlunar hefur staðið.

Eiður Pétursson
Hafrún Olgeirsdóttir
Helena Eydís Ingólfsdóttir
Hjálmar Bogi Hafliðason
Soffía Gísladóttir


Fjárhagsáætlun 2025 er borin undir atkvæði og er samþykkt samhljóða.

Þriggja ára áætlun 2026-2028 er borin undir atkvæði og er samþykkt með atkvæðum Áka, Eiðs, Hafrúnar, Helenu, Hjálmars og Soffíu.
Benóný, Ingibjörg og Jónas sitja sjá.

Lagt fram til kynningar.